- पैली कुरिन्थियों 3:12 - Bundeli Holy Bible

¹² और जदि कोऊ ई नीं पे चाहे कि सोने और चांदी या मांगे पथरा, लकड़ियां या घांस फूस की चुनाई कर है।

- पैली कुरिन्थियों 3:12 ပူးပေါင်းရင်းမြစ်များ

- प्रेरितन के काम 20:30

और तुमाए बीच ऐसे लोग ठांड़े हुईयें, जौन चेलन हां अपने लिगां खेंच लैबे के लाने ऊंट पटांग बात कर हैं।

- रोमियों 16:17

सो हे भईया हरौ, मैं तुम से बिन्तवाई करत आंव, कि जौन मान्स ऊ सीख के बिरुद्ध जौन तुम ने सीखी आय, फूट डालबे और ठोकर खिलाबे के काजें कछु करें, उन हां ताड़ लए करे; और उन से दूर रओ।

- पैली कुरिन्थियों 3:11

कायसे ऊ नीं हां छोड़ जौन डली आय, और बो यीशु मसीह आय: कोऊ और नीं नईं डाल सकत।

- पैली कुरिन्थियों 3:13

तो सबरे जन कौ काम उजागर हो जै है, कायसे ऊ दिना पता पड़ है; और बो आगी से उजागर हुईये: और आगी ई सबरे मान्सन कौ काम परख है।

- दूसरी कुरिन्थियों 2:17

कायसे हम बिलात जनों जैसे नईंयां, जौन परमेसुर की बातन में कछु दूसरी बातें जोड़ देत आंय; अकेले हिये से, परमेसुर की बातें परमेसुर हां मानो सजीव देखत मसीह में कैत आंय।

- दूसरी कुरिन्थियों 4:2

और हम ने बुरय कामन हां छोड़ दओ आय, और बनके नईं चलत, और न परमेसुर के बचन में कछु मिलात आंय, अकेले सांची बातें उजागर करत आंय, और परमेसुर हां जानत भए सबरन के हिये पै अपनी बात बैठा देत आंय।

- कुलुस्सियों 2:8

चौकन्ने रओ कि कोई तुम हां बेकार बतकाओ में न फंसा लेबे, जौन मान्स की बातें आंय बे सब संसार कौ छल आय, परन्त जे बातें पिरभू की नईंयां।

- 1 तीमुथियुस 6:3

जदि कोऊ और परकार कौ उपदेस देत आय; और साजी बातन हां, माने हमाए पिरभू यीशु मसीह की बातन को और ऊ उपदेस को नईं मानत, जो भक्ति के अनसार आय।

- 2 तीमुथियुस 2:20

बड़े लोगन के घर में सोने-चांदी केई बासन नईं, परन्त माटी और लकड़िया के बासन सोई होत आंय; कोऊ को आदर धरो जात आय, और कोनऊं को नईं।

- 2 तीमुथियुस 3:13

और दुष्ट जनें जो बहकात आंय और धोका देत आंय, बे धोका खाके और बिगड़त जै हैं।

- 2 तीमुथियुस 3:7

बे मानो सीखत तो हैं परन्त सांची बातन हां कऊं, नईं चीनत।

- 2 तीमुथियुस 4:3

कायसे ऐसे दिना आहें, कि मान्स सच्ची बात न मान हैं, परन्त जौन बातें सुनबे में मजा आबै और अपनी अभलाखा जैसो कैबेवारो जोड़ लै है।

- इब्रानियों 13:9

दूसरे परचार की बातन से नईं बिलुरियो, और अपने मन हां पक्को बनाए रखियो, खाबे की बस्तन पै भौत ध्यान न धरियो, कायसे खाबे से जादा कछु नईं होत।

- 1 पतरस 1:7

जौ ई लाने आय कि तुमाओ परखो भओ बिसवास, जौन आग से तपाए भए नास होबेवारे सोने से सोई कछु बिलात मोल कौ आय, यीशु मसीह के उजागर होबे पे बड़वाई, मईमां और आदर कौ काज ठैरे।

- यूहन्‍ना के दरसन कौ खुलासा 2:14

पर मोय तोसे कछु बातें कहने आय, कायसे तोरे इते कछु तो ऐसे आंय, जो बिलाम की शिक्षा को मानत आंय, जीने बालाक हां इस्राएली लोगन के सामूं ठोकर कौ कारन रखबो सिखाओ, कि मूरतन हां चढ़ाओ भओ भोजन खाबें, और व्यभिचार करें।

- यूहन्‍ना के दरसन कौ खुलासा 21:18

और ऊ की चौहद्दी की जुड़ाई यशब घांई हती, और ऊ नगर चोखे सोने जैसो हतो, जो साफ सुतरो कांच जैसो होबै।

- यूहन्‍ना के दरसन कौ खुलासा 3:18

ई लाने मैं तोहां सम्मति देत आंव, कि आगी में ताओ भओ सोना मोसे मोल ले कि सांचऊ में धनी हो जाबै; और सफेद उन्ना लैके पैर ले कि तोहां नंगेपन जैसी सरम न होबै; और अपनी आंखें आंजबे हां बढिया सुरमा लै ले, कि तोहां दिखान लगै।