- पैली कुरिन्थियों 2:12 - Bundeli Holy Bible

¹² परन्त हम ने संसार की आत्मा नईं, परन्त बो आत्मा पाओ आय, जौन परमेसुर कुदाऊं से आय, कि हम उन बातन हां समजें, जौन परमेसुर ने हम हां दई आंय।

- पैली कुरिन्थियों 2:12 ပူးပေါင်းရင်းမြစ်များ

- रोमियों 8:1

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

- रोमियों 8:32

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

- पैली कुरिन्थियों 1:27

परन्त परमेसुर ने संसार के मूरखन हां नबेर लओ, कि ज्ञानवारन हां लज्जित करें; और परमेसुर ने संसार के कमजोरों हां नबेर लओ आय, कि बलवानन हां लज्जित करे।

- पैली कुरिन्थियों 2:6

फिन हम समजदारों में ज्ञान की बातें सोई सुनात आंय: परन्त जौ ज्ञान न तो ई संसार कौ, और न ही हाकमन कौ आय जौन नास होबेवारे आंय।

- पैली कुरिन्थियों 3:22

का पौलुस, का अपुल्लोस, का कैफा, का संसार, का जीवन, का मरबो, का आज, का आबेवारो कल, सबई कछु तुमाओ आय।

- दूसरी कुरिन्थियों 4:4

और जौन मान्सन ने बिसवास नईं करो, कायसे उन की बुद्धि हां ई संसार के ईसुर-शैतान छलिया ने अंधरया दओ आय, कि मसीह जौन परमेसुर आय, उनकी बातन को तेज उन पे अबै न पड़े।

- इफिसियों 2:2

तुम पेंला ई संसार की रीत पै, और आकास के हाकम शैतान और ऊ आत्मा से चलत हते, जौन अबै सोई कई न करबे वारन में काम करत आय।

- याकूब 4:5

का तुम जौ समजत आव, कि पवित्र बचन ऊंसई कहत आय? कि जौन आत्मा हां ऊ ने हमाए भीतरै बसाओ आय, कि बो ऐसी चाहना करत आय, कि ऊसे जलन डाह होबै।

- 1 यूहन्‍ना 2:20

हमें तो पवित्तर परमेसुर ने न्यारो करो आय, और जे सबरी बातन हां तुम जानत आव।

- 1 यूहन्‍ना 2:27

जैसे उन ने तुम हां अपनाओ, और जिन में तुम बने आव; सो अब कोई हां तुम हां और नईं चिताने, कायसे बे तो आपऊ तुम हां सबरी बातें बतात आंय; कोऊ सांचो आय लबरा नईंयां, सो जौन बातें उन ने बताई उन हां मानो।

- यूहन्‍ना के दरसन कौ खुलासा 12:9

और बो बड़ो अजगर जो इबलीस और शैतान छलिया कहात आय, और सबरे संसार हां बहकाबे वालो आय, धरती पै ऊ को और ऊके दूतन हां गिरा दओ गओ।

- यूहन्‍ना के दरसन कौ खुलासा 22:6

फिन उन ने मोय से कहो, जे बातें सांची और बिसवास के जोग आंय, और पिरभू ने जो आगमवकतों की आत्माओं कौ परमेसुर आय, उन ने अपने सरगदूत हां ईसे पठैव, कि बे बातें जो झट्टई पूरी होबेवारी आंय, अपने दासों हां जरुर दिखाबें।