- पैली कुरिन्थियों 2:1 - Bundeli Holy Bible

¹ और हे भईया हरौ, जब मैं परमेसुर कौ गैरो बचन सुनात भओ तुमाए ऐंगर आओ, तो बचन या ज्ञान की अधकाई के संग्गै नईं आओ।

- पैली कुरिन्थियों 2:1 ပူးပေါင်းရင်းမြစ်များ

- प्रेरितन के काम 20:21

मैं यहूदी और यूनानी दोई हां कड़ाई से गवाही देत रओ, की परमेसुर की कोद मन फिराव, और प्रभु यीशु मसीह पे भरोसा करो।

- प्रेरितन के काम 22:18

और मैंने ऊहां जौ कहत भए हेरो; झटपट कर और यरूशलेम से तुरतई कड़ जा: कायसे बे मोरे बारे में तोरी गवाही नईं मान हैं।

- रोमियों 16:18

कायसे ऐसे मान्स हमाए पिरभु यीशु मसीह की नईं, पर अपने पेट की सेवा करत आंय; और चिकनी चुपड़ी बातन से सूदे सादे मन के मान्सन हां बहका देत आंय।

- रोमियों 16:25

अब जौन तुम हां मोरे भले सन्देसे मानो कि यीशु मसीह के सन्देसे के परचार के अनसार पक्को कर सकत आय, ऊ भेद के प्रकाश के अनसार जौन हमेसा से लुको रओ।

- पैली कुरिन्थियों 1:17

कायसे मसीह ने मोहां बपतिस्मा दैबे को नईं, परन्त भलो सन्देसो परचार करबे हां पठैव आय, और जौ सोई कि पढ़े लिखे जनें की समज से नईं, ऐसो न होबे कि मसीह की क्रूस की पीड़ा झेलबो बेकार जाबै।

- पैली कुरिन्थियों 1:6

कि मसीह की गवाई तुम में पक्की कड़ी।

- पैली कुरिन्थियों 2:13

जिन हां हम मान्सन के सिखाए भई बातन में नईं, परन्त आत्मा के सिखाए भई बातों में, जाने कि आत्मिक सोच हां आत्मिक बातन में मिला के बताओ करत आंय।

- पैली कुरिन्थियों 2:4

और मोरे बचन, और मोरे परचार में ज्ञान की लुभाबेवारी बातें न हतीं; परन्त आत्मा और सामर्थ कौ प्रमाण हतो।

- पैली कुरिन्थियों 2:7

परन्त हम परमेसुर के ऊ ज्ञान की लुकी भई बातन हां बतात आंय, जाने के लुको भओ ज्ञान हां, जिए परमेसुर ने पेंला से हमाई बड़वाई के लाने ठैराओ।

- दूसरी कुरिन्थियों 10:10

कायसे कैत आंय, कि उनकी चिठियां बजनदार और मतलब से भरी आंय; अकेले जब देखत आंव, तो ऐसो लगत कि बो देह को नरम और बोलबे में ढीलो आय।

- दूसरी कुरिन्थियों 11:6

जैसे मैं बोलबे में अनाड़ी आओं, अकेले ज्ञान में नईंयां, हम ने तो ई ज्ञान हां सबरी बातन में सबरन हां दिखाओ आय।

- 2 थिस्सलुनीकियों 1:10

जौ सब ऊ दिना हुईये, जब पिरभू अपने मानबेवारन में जस पाहें, और सबरे बिसवास करबेवारन में अजूबा दिखा है; कायसे जौन बातें हम ने तुम हां बताई हतीं उन हां तुम ने मानो आय।

- 1 तीमुथियुस 1:11

जो उन महा धन्य परमेसुर के जस के ऊ सुसमाचार से आय, जौन मोहां दओ गओ आय।

- 2 तीमुथियुस 1:8

सो परमेसुर की गवाही से, और मोरे से जो उनके नाओं से जेहल में आंव, लजाईयो न, परन्त मोरे संग्गै सेवा में दुख उठाबे हां तईयार रै।

- 1 यूहन्‍ना 4:14

हम ने जौ चीनो आय और हमाई जा गवाह आय, कि परमेसुर ने अपने बेटा यीशु मसीह हां ई संसार को तरन तारन करबे हां पठैओ।

- यूहन्‍ना के दरसन कौ खुलासा 1:2

यूहन्ना ने परमेसुर को बचन और पिरभु यीशु ने जौन करो, जीहां उन ने तको हतो ऊ की गवाही दई।

- यूहन्‍ना के दरसन कौ खुलासा 1:9

मैं यूहन्ना जौन तुमाओ भईया, और यीशु मसीह के लाने मैंने जौन दुख तुमाए संग्गै सहो आय, और परमेसुर कौ बचन, और यीशु की गवाही के कारन पतमुस टापू में हतो।

- यूहन्‍ना के दरसन कौ खुलासा 19:10

और मैं दण्डवत करबे के लाने ऊके गोड़ों पै गिरो; ऊ ने मोय से कई; हेर, ऐसो न कर, कायसे मैं जो पिरभू को परचार करत आंव उनईं में से एक आंव, केवल परमेसुर के सामूं झुको; कायसे ईसा मसीह कौ परचार आगमवानी की आत्मा आय।