- पैली कुरिन्थियों 16:6 - Bundeli Holy Bible

⁶ परन्त हो सकत आय कि तुमाए इते रुक जाओं और शरद ऋतु के दिना तुमाए इते काटों, तब जां मोरो जाबो हुईये, तुम पठै दईयो।

- पैली कुरिन्थियों 16:6 ပူးပေါင်းရင်းမြစ်များ

- प्रेरितन के काम 15:3

ई लाने मण्डली से विदा लैके बे फीनीके और सामरिया होत भए, गैर यहूदियन के मन बदलबे कौ पूरो सन्देसो सुना सुना के बिलात खुसी मना रए हते।

- प्रेरितन के काम 17:15

पौलुस हां पहुंचाबे वाले एथेन्स लौ ऊहां लै गए, और ऊसे जौ हुकम पाके की सीलास और तीमुथियुस फौरन मोरे ऐंगर आ जाबें, बे उते से विदा भए।

- प्रेरितन के काम 20:38

बे खास ऊ बात से दुखी हते, जौन ऊ ने कई हती, की तुम मोरो मों फिन न हेर हौ; और उन ने ऊहां जहाज लौ पोंचाओ।

- प्रेरितन के काम 21:5

जब उते हमाए ठहरबे के दिना पूरे भए, तो हम विदा होकें चले; और सब मान्स बईयरन, बच्चन संग्गै हम हां नगर के बायरें लौ पहुंचाबे आए, और समुन्दर तीरे पे घुटना टेक के प्रार्थना करबे के पाछें हम ने एक दूसरे से विदा लई।

- प्रेरितन के काम 27:12

ई लाने की बो बन्दरगाह जड़कारो बिताबे के लाने सही नईं हतो; ज्यादातर लोगन की जा सलाह भई, की उते से आंगू बढ़ें, की कोऊ तरहां फीनिक्स पोंच के जड़कारो बिताएं, जौ क्रेते कौ एक बन्दरगाह आय, जीको मों दक्खन-पश्चिम और उत्तर-पश्चिम कोद आय।

- प्रेरितन के काम 28:11

तीन महिना के पाछें हम सिकन्दरिया के एक जहाज से चले, जौन ई टापू पे जाड़ो काट चुको हतो; और जी की चिन्हार दियुसकूरी हतो।

- रोमियों 15:24

ई लाने जब मैं इसपानिया हां जै हों तो तुम लौ होत भओ जै हों, कायसे मोय आसा आय, कि ऊ जांगा में तुम से भेंट कर हों, और जब तुमाई संगत से मोरो जी भर जाबै, तो तुम मोय कछु आंगू लौ पोंचा दईयो।

- पैली कुरिन्थियों 16:11

ई लाने कोऊ ऊहां नेंचो न माने, परन्त ऊहां सुतारें ई कोद पठै दईयो, कि मोरे ऐंगर आ जाबे; कायसे मैं ऊ की बाट तक रओ आंव, कि बो भाईयन के संग्गै आबै।

- दूसरी कुरिन्थियों 1:16

तुम लौ होत में मकिदुनिया जाओं, और फिन के मकिदुनिया होकें तुम लौ आओं; और तुम मोय कछु गैल यहूदिया की धरा देओ।

- तीतुस 3:12

जब मैं तोय अरतिमास या तुखिकुस हां पठैओं, तो तें मोरे ऐंगर नीकुपुलिस हां अईयो; कायसे मैंने उतईं जाड़े के दिना काटबे की सोची आय।