- पैली कुरिन्थियों 16:13 - Bundeli Holy Bible

¹³ हुंसयार रओ, बिसवास में पक्के बनो, संयमी जीवन जियो, बल सक्ति से भर जाओ।

- पैली कुरिन्थियों 16:13 ပူးပေါင်းရင်းမြစ်များ

- पैलो इतिहास 19:13

तें हिम्‍मत बांध और हम सब अपने सबरे मान्‍सन और अपने यहोवा परमेसुर के नगरों के लाने लड़हें; और यहोवा परमेसुर जैसो ऊहों अच्‍छो लगै, ऊ बैसई करहै।”

- पैलो इतिहास 28:10

अब चौकन्‍ने रै, यहोवा परमेसुर ने तोहों एक एैसो भवन बनाबे हों चुन लओ आय, जौन पवित्तर जागां ठैरहै, हिम्‍मत बांधकें ई काम में जुट जा।”

- मत्ती 25:13

ई लाने जागत रहियो, कायसे तुम न तो ऊ दिन हां जानत आंव, और न ऊ बेरा हां।

- मत्ती 26:41

जागत रहियो, और प्रार्थना करत रहियो, कि तुम परीक्षा में नईं पड़ो: आत्मा तो तईयार आय, पर सरीर दुरबल आय।

- लूका 21:36

ई लाने जागत रओ और सबरे टैम बिन्तवाई करत रओ कि तुम इन सबरी घटनाओं से बचबे, और मान्स के पूत के सामूं ठांड़े होबे के जोग बन सको।

- पैली कुरिन्थियों 14:20

हे भईया हरौ, तुम समज में हलके बच्चा न बनो: जानें कि बुराई में तो हलके बच्चा रओ, परन्त समज में सियाने बनो।

- पैली कुरिन्थियों 15:58

सो हे मोरे प्यारे भईया हरौ, पक्के बने रओ, और पिरभु के काम में बढ़त जाओ, कायसे कि जानत आव, कि तुमाई मैनत पिरभु में अकारथ नईंयां।

- दूसरी कुरिन्थियों 1:24

जौ नईंयां, कि हम तुम पे यीशु पै बिसवास करबे से अधकार जमात आंय, अकेले तुमाए मजा मौज में खुसी आय, कायसे तुम बिसवास में पक्के बने रहत आव।

- गलतियों 5:1

मसीह ने छुट्टा होबे हां हमें छुड़ाओ आय; सो ऐंसई बने रओ, और दास को बोझा फिन से न लेओ।

- इफिसियों 3:16

कि बे अपने जस से जो दान दैबे, कि तुम उनके आत्मा से अपने भीतरवारे मनुष्यत्व में बल पाकें मजबूत होत जाओ।

- इफिसियों 6:10

सो पिरभू के जोर से मजबूत बनो।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- फिलिप्पियों 4:1

ईसे भईया हरौ, जिन पै मोरो जी लगो रैत आय, जिन हां मैं चाहत आंव और मोरी लालसा आय, कि बे मोरी खुसी आय, और मोरी चाहना आय, कि तुम पिरभू में पक्के बने रओ।

- फिलिप्पियों 4:13

मैं ऊ परमेसुर के जोर से सब कछु कर सकत आंव।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- कुलुस्सियों 4:12

इपफ्रास जौन तुम में से आय, और पिरभू यीशु मसीह को सेवक आय, तुम हां नमस्कार कैत आय और तुमाए काजें बिन्तवारी में लगो रैत आय, कि तुम पक्के होकें ई सीख पै चलत रओ।

- कुलुस्सियों 4:2

बिन्तवारी करत रओ, और उनको धन्न मानो।

- 1 थिस्सलुनीकियों 3:8

सो हमाई जान में जान आई, जा सुनके कि तुम पिरभू में पक्के बने आव।

- 1 थिस्सलुनीकियों 5:6

सो हम दूसरन घांई सोत नईं रैबें, परन्त जागत और चौकन्ने रैबें।

- 2 थिस्सलुनीकियों 2:15

सो भईया हरौ, पक्के बने रओ; अब जौन बातें तुम हां सुनाई गईं हतीं, और जौन बातें हमाई चिठिया से सीखीं, उन हां पकड़े रओ।

- 1 तीमुथियुस 6:12

बिसवास की अच्छी कुस्ती लड़; और ऊ अनन्त जीवन को धर ले, जीके लाने तें बुलाओ गओ, और बिलात गवाह के सामूं अच्छो स्वीकार करो हतो।

- 2 तीमुथियुस 2:1

मोरे बेटा, यीशु मसीह की दया से पक्को होत जा।

- 2 तीमुथियुस 4:5

परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।

- 2 तीमुथियुस 4:7

मैंने अच्छी कुस्ती लड़ी आय मानो मैंने अपनी दौड़ पूरी कर लई आय, और अपने बिसवास में पक्को बनो रओ आंव।

- यहोशू 1:18

कोऊ काए नें होए जौन तोरे बिरुद्ध बलवा करे, और जितेक हुकम तें दैबे उनहों नें मानें, तौ ऊ मार डालो जैहै। परन्‍त तें पक्‍को और हिम्‍मत बांधे रै।”

- यहोशू 1:9

का मैंने तोए हुकम नईं दओ? हिम्‍मत बांधकें पक्‍को हो जा; डरियो नें, और तोरो मन कच्‍चो नें होए; कायसे जितै-जितै तें जैहै, उतै-उतै तोरो यहोवा परमेसुर तोरे संगै रैहै।”

- 1 पतरस 4:7

सबरी बातन को अखीर तुरतईं होबेवारो आय; ई लाने संयमी होकें बिन्तवाई के लाने हुसयार रओ।

- 1 पतरस 5:8

हुसयार रओ, और जागत रओ, कायसे तुमाओ बिरोधी शैतान, गरजबे वाले नाहर घांई ई ताक में रैत आय, कि कीहां फाड़ खाबै।

- यूहन्‍ना के दरसन कौ खुलासा 16:15

हेर, मैं भड़या घाईं आत आंव; धन्न बो आय, जो जागत रैत आय, और बो अपने उन्ना हां तके रैत आय, कि बो नंगो न फिरै, और मान्सन ऊकौ नंगापन न हेरें।