- पैली कुरिन्थियों 15:32 - Bundeli Holy Bible

³² जदि मैं मान्सन की रीत पे इफिसुस में बन जनावर से लड़ो, तो मोय का लाभ भओ? जदि मरे जिलाए नईं जै हैं, तो आओ, खाबें-पीबें, कायसे कल तो मर जै हैं।

- पैली कुरिन्थियों 15:32 ပူးပေါင်းရင်းမြစ်များ

- लूका 12:19

और उते अपनी सबरी पज और मालपानू धर हों: और अपने प्रान से कै हों, कि प्रान, तोरे ऐंगर बिलात बरसन के लाने बिलात मालपानू धरो आय; सो चैन कर, खा, पी, सुख से रै।

- लूका 9:25

जदि मान्स सबरे संसार हां पा लेबे, और अपनो प्रान हिरा देबे, या ऊकौ नुकसान उठाबे, तो ऊए का लाभ हुईये?

- प्रेरितन के काम 18:19

फिन बे इफिसुस पोंचे जिते ऊ ने उनहां छोड़ दओ, और आपऊ प्रार्थनाघर में जाके यहूदियन से बतकाव करन लगो।

- प्रेरितन के काम 18:21

पर विदा होत बेरा ऊ ने जा कई, अगर परमेसुर की मनसा भई तो तुमाए ऐंगर फिन कें आहों।

- प्रेरितन के काम 19:1

ऐसो भओ की जब अपुल्लोस कुरिन्थुस में हतो, तो पौलुस ऊ परै के प्रदेशन से होत भओ इफिसुस में पोंचो, और उते पे ऊहां कछु चेले मिले।

- रोमियों 3:5

ई लाने जदि हमाओ अधर्म परमेसुर हां धरमी ठैरा देत आय, तो हम का काबें? का जौ कि परमेसुर जौन खुन्स करत आय अन्यायी आय (जौ तो मैं मान्सन के तौर तरीके से कैत आंव)।

- रोमियों 6:19

मैं तुमाई देयां की कमजोरी के काजें मान्सन की रीत पे कैत आंव, जैसो तुम ने अपने अंगों को बुरए काम के लाने दलिद्दर और बुरए काम के चाकर कर के सौंपो हतो, ऊंसई अब अपने अंगों को पवित्रता के लाने धरम के चाकर कर के सौंप दो।

- पैली कुरिन्थियों 16:8

परन्त मैं पिन्तकुस्त लौ इफिसुस में रै हों।

- गलतियों 3:15

भईया हरौ, मैं मान्सन जैसो कैत आंव, कि मान्स के बचन ऐसे पक्के हो जात आंय, कि कोऊ उनहां नईं टोड़त और न ऊ में कछु जोड़त आय।

- 2 पतरस 2:12

परन्त जे मान्स बिना समजवारे जनावर घांई आंय, जौन पकड़े जाबे और नास होबे के लाने पैदा भए आंय; जिन बातन हां बे जानतई नईंयां, उन के लाने दूसरन हां बुरो भलो कैत आंय, बे अपनी सड़ाहट में खुद सड़ जें हैं।

- यहूदा 1:10

जे जिन बातन को समझत नईंया, उन हां बुरो कैत आंय; और जिन हां दोस जैसो मानत आंय, उनसे अपने आप हां मानो मारत आंय।