- पैली कुरिन्थियों 15:2 - Bundeli Holy Bible

² ओई से तुमाओ तरन तारन सोई होत आय, जदि ऊ भले सन्देसे को जौन मैंने तुम हां सुनाओ हतो सुमरन करत आव; नईं तो तुमाओ बिसवास करबो अकारथ भओ।

- पैली कुरिन्थियों 15:2 ပူးပေါင်းရင်းမြစ်များ

- लूका 8:13

चट्टान पे के बे आंय, कि जब सुनत आंय, तो खुसी से बचन हां अपना तो लेत आंय, पर जड़ न पकड़बे से बे तनक देर हां बिसवास रखत आंय, पर जांच परख की बेरा डगमगा जात आंय।

- प्रेरितन के काम 2:47

और परमेसुर की भक्ति करत हते, और सब जने उन से खुस हते: और जो उद्धार पात हते, उनको प्रभु रोजीना उन में मिला देत हतो।

- प्रेरितन के काम 8:13

तब शमौन ने खुद बिसवास करो और फिलिप्पुस के संग्गै रैन लगो, बो चिन्ह और बे बड़े आश्चर्य कर्म तक के चकित होत हतो।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- रोमियों 11:22

ई लाने परमेसुर की किरपा और कड़ाई हां तक! जौन गिर गए, उन पे कड़ाई, पर तो पे किरपा, जदि तें ऊ में बनो रै है तो भलो, नईं तो, तें सोई काट डालो जै है।

- पैली कुरिन्थियों 1:18

कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 11:2

हे भईर्या हरौ, मैं तुमाई बड़बाई करत आंव, कि तुम सबरी बातन में मोहां सुमरन करत आव: और जौन ब्योहार मैंने तुम हां सिखा दए हते, तुम ऊं सई करत आव।

- पैली कुरिन्थियों 15:14

जदि मसीह नईं जी उठो, तो हमाओ परचार करबो सोई अकारथ आय; और तुमाओ बिसवास करबो सोई अकारथ आय।

- दूसरी कुरिन्थियों 2:15

कायसे हम परमेसुर के लाने तरन तारन पाबेवारे, और नरककुण्ड जाबेवारे, दोई के काजें मसीह की सुगन्ध आंय।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 3:4

का तुम ने इतनो दुख ऐंसई उठाओ? अकेले जौ सब बेकार नईंयां।

- इफिसियों 2:8

कायसे बिसवास करबे पै दया से तुमाओ तरन तारन भओ आय।

- कुलुस्सियों 1:23

सो तुम अपने बिसवास जौन तुम ने करो आय ऊ में पक्के बने रओ, और सुसमाचार सुने पै जौन आस तुमाई बढ़ी हती, जी को परचार ई संसार में भओ; जीहां मैं पौलुस ने तुम हां सुनाओ।

- 2 थिस्सलुनीकियों 2:15

सो भईया हरौ, पक्के बने रओ; अब जौन बातें तुम हां सुनाई गईं हतीं, और जौन बातें हमाई चिठिया से सीखीं, उन हां पकड़े रओ।

- 2 तीमुथियुस 1:9

जीने हमाओ तरन तारन करो, और हम हां अपनौ बना लओ, जौ हमाए पुण्य के कामन से नईंयां; परन्त परमेसुर की दया से भओ आय।

- इब्रानियों 10:23

और हमाई जौन आसा आय ऊहां कर्रे से पकड़े रओ, जीने अपन हां जा आसा दई आय, बो सांचो आय।

- इब्रानियों 2:1

हम हां चईये कि जौन बातें हम ने सुनी आंय, और मन लगाओ, उनहां पकड़े रओ कि हम भटक के दूर न चले जाबें।

- इब्रानियों 3:14

जब से हम ने पिरभू यीशु मसीह से मन लगाओ, उनईं बातन पै बने रओ चईये।

- इब्रानियों 3:6

परन्त यीशु मसीह परमेसुर के घर के मान्सन के ऊ परे आंय, और उनके घर तो हम आंय, हम हां अब लौ पक्के बने रओ चईये।

- इब्रानियों 4:14

हमाओ ऐसो बड़ो महायाजक आय, जौन सरग चलो गओ, बे आंय पिरभू यीशु मसीह; जौन परमेसुर के पुत्तर आंय, सो अपन ने जिन बातन पै चित्त लगाओ आय उन में पक्के होत जाबें।

- याकूब 2:14

हे मोरे भईया हरौ, जदि कोई कय कि मोय बिसवास आय पर बो बिसवास के जैसे काम न करत होबै, तो ऊसे का फायदा? का ऐसो बिसवास ऊकौ तारन कर सकत आय?

- याकूब 2:17

ऊंसई बिसवास सोई जदि करम संग्गै न होबै तो बो मरो भओ जैसो आय।

- याकूब 2:26

जैसे देह आत्मा बिना मरी भई आय, ऊंसई बिसवास सोई करम बिना मरो भओ आय।