- पैली कुरिन्थियों 15:13 - Bundeli Holy Bible

¹³ जदि मरे भयन को जी उठबो नईंयां, तो मसीह सोई नईं जी उठो।

- पैली कुरिन्थियों 15:13 ပူးပေါင်းရင်းမြစ်များ

- प्रेरितन के काम 23:8

कायसे सदूकियन कौ जौ कहबो आय, की न ही फिन से जी जाबो आय, न ही सरगदूत और न ही कोई आत्मा आय; पर फरीसी जौ सब मानत आंय।

- रोमियों 8:11

जदि ओई कौ आत्मा जीने यीशु हां मरे भयन में से जिलाओ तुम में बसो आय; तो जीने मसीह हां मरे भयन में से जिलाओ, बो तुमाई मिटबेवारी देयां हां सोई अपने आत्मा से जौन तुम में बसो आय जिला है।

- रोमियों 8:23

और अकेले ओई नईं पर हम सोई जिन लौ आत्मा कौ पेंला फल आय, आपई अपने में कराहत आंय; और लरका बिटिया होबे हां, अपने देयां के छुटकारे की बाट जोहत आंय।

- पैली कुरिन्थियों 15:12

सो जब मसीह कौ जौ परचार करो जात आय, कि बो मरे भयन में से जी उठो, तो तुम में से कैऊ काय हां कैत आंय, कि मरे भयन कौ जी उठबो हैई नईंयां।

- पैली कुरिन्थियों 15:14

जदि मसीह नईं जी उठो, तो हमाओ परचार करबो सोई अकारथ आय; और तुमाओ बिसवास करबो सोई अकारथ आय।

- पैली कुरिन्थियों 15:20

परन्त सांचई मसीह मरे भयन में से जी उठो आय, और जौन सो गए आंय, उन में सब से पेंला जीबेवारो भओ।

- 1 थिस्सलुनीकियों 4:14

कायसे जैसे पिरभू यीशु मसीह मरे और जी गए, ऊं सई परमेसुर उन हां जौन यीशु मसीह पै बिसवास धरें मर जात, माने पर रैत आंय, ऊं सई जिला दै है।

- 2 तीमुथियुस 4:8

आगे परमेसुर जौन सांचे आंय मोरे काजें धरम को मुकुट धरें आंय, जौन मोहां दै हैं और मोहां नईं, परन्त उन हां सोई दै हैं, जौन उनके फिन के आबे की प्रेम से बाट तकें आंय।

- इब्रानियों 13:20

परमेसुर जौन सान्ति देबेवारे आंय, जिन ने हमाए पिरभू यीशु मसीह हां जौन गाड़र के बड़े रखनवारे आंय, अपने रकत से अपने लोगन हां पाप की मौज से बचाओ।

- इब्रानियों 2:14

और जब हम बिसवास धरबेवारे मान्स देह धरें आंय, सो ऊ ने भी मान्स देह धरी और हमाए जैसो हो गओ; बो मर गओ कि शैतान छलिया हां बरबाद कर दे, जीहां मौत में अधकार मिलो आय।

- 1 पतरस 1:3

हमाए पिरभु यीशु मसीह के परमेसुर और बाप कौ धन्नबाद होबै, जीने यीशु मसीह के मरे भयन में से जी उठबे के द्वारा, अपनी बड़ी किरपा से हम हां जीयत आसा के लाने नओ जनम दओ।

- यूहन्‍ना के दरसन कौ खुलासा 1:18

मैं मर गओ हतो, और अब हेर; मैं जुगजुग लौ जीयत आंव; और मृत्यु और अधोलोक जिते मरे भय रैत आंय ऊ की कुंजी मोरे ऐंगर आंय।