- पैली कुरिन्थियों 15:10 - Bundeli Holy Bible

¹⁰ परन्त मैं जो कछु आंव, परमेसुर की दया से आंव: और उनकी जौन दया मो पे भई आय, बा अकारथ नईं गई; परन्त मैंने उन सबरन से बढ़के मैनत सोई करी: जानो कि जौ मोरी कुदाऊं से नईं भओ परन्त परमेसुर की दया से जौन मो पे हती।

- पैली कुरिन्थियों 15:10 ပူးပေါင်းရင်းမြစ်များ

- मत्ती 10:20

कायसे बोलबेवारे तुम नईं आव पर तुमाए बाप कौ आत्मा तुम में बोलत आय।

- मत्ती 25:16

जीहां पांच रुपईया मिले हते, ऊने तुरतईं जाके उन से धन्धा करो और पांच रुपईया और कमाए।

- रोमियों 11:1

ई लाने मैं कैत आंव, का परमेसुर ने अपनी प्रजा हां छोड़ दओ? कभऊं नईं; मैं सोई इस्राएली आंव: इब्राहीम के वंस और बिन्‍यामीन के कुल में से आंव।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- पैली कुरिन्थियों 15:11

सो चाए मैं होओं, चाए बे होबें, हम जौई परचार करत आंय, और ऐई पे तुम ने बिसवास धरो आय।

- पैली कुरिन्थियों 15:2

ओई से तुमाओ तरन तारन सोई होत आय, जदि ऊ भले सन्देसे को जौन मैंने तुम हां सुनाओ हतो सुमरन करत आव; नईं तो तुमाओ बिसवास करबो अकारथ भओ।

- पैली कुरिन्थियों 3:10

परमेसुर की ऊ किरपा से, जौन मो पे भई, मैंने एक साजे कारीगर घांई नीं डाली आय, और दूसरो जनो चुनाई करत आय; परन्त हर एक मान्स हुंसयार रैबै, कि बो ऊ पे कैसी चुनाई करत आय।

- पैली कुरिन्थियों 3:6

मैंने लगाओ, अपुल्लोस ने ढारो, अकेले परमेसुर ने बढ़ाओ।

- पैली कुरिन्थियों 4:7

कायसे एक दूसरे में को अन्तर कर सकत आय? और तोरे ऐंगर का आए जौन तेंने दूसरे से न पाओ होबै: और जब तेंने दूसरे से पाओ आय, तो ऐसो घमण्ड काय करत आय, कि मानो नईं पाओ?

- दूसरी कुरिन्थियों 12:11

मैं मूरख तो बनो, अकेले तुम ने मोसे जौ जबरई करवाओ: तुम हां तो मोरी बड़वाई करो चईये, कायसे मानो में कछु नईंयां, अकेले उन सब बड़े बड़े प्रेरितन से कोई बात में घट नईंयां।

- दूसरी कुरिन्थियों 3:5

ऐसो नईंयां, कि हम ई लाक आंय, कि अपने हों कछु बातन हां सोचें; अकेले हम तो परमेसुर के कारण आय।

- दूसरी कुरिन्थियों 6:1

हम जौन उनके संग्गै काम करत आंय ऐसो समझात आंय, कि परमेसुर ने जौन दया तुमाए ऊ परै करी आय, ऊहां ऐसई न जानो।

- गलतियों 2:8

(कायसे जीनें पतरस से खतना भय मान्सन में प्रेरिताई को कार्य बड़े प्रभाव से करवाओ, ओई ने मोसे अन्य जातियन में बढिया काम करवाओ)।

- फिलिप्पियों 2:13

कायसे परमेसुर जौन तुमाए मन से और इच्छा हां तुमाए जीवन में पूरो करके अपनी जय करो चाहत आय।

- फिलिप्पियों 4:13

मैं ऊ परमेसुर के जोर से सब कछु कर सकत आंव।

- 1 थिस्सलुनीकियों 5:12

भईया हरौ, हम तुम से कैत आंय, कि तुमाए बीच जौन मैनत करत आंय, और पिरभू में तुमाए गुरू आंय, और तुम हां समझात आंय, उनकी बात मानो।

- 1 तीमुथियुस 4:10

हम खूबई मैनत करत आंय और कोसस करत आंय, कि हमाई आस जीयत परमेसुर पे आय; जौन मान्सन को, और जौन उन हां मानत आंय उनको तरन तारन करबेवारो आय।