- पैली कुरिन्थियों 14:4 - Bundeli Holy Bible

⁴ जौन दूसरी भाषा में बातें करत आय, बो अपनी बढ़ती करत आय; परन्त जौन अगमवानी करत आय, बो समाज की बढ़ती करत आय।

- पैली कुरिन्थियों 14:4 ပူးပေါင်းရင်းမြစ်များ

- मरकुस 16:17

और बिसवास करबे वालन में जे निसानी हुईयें कि बे मोरे नाओं से बुरई आत्मन हां निकाल हैं।

- रोमियों 14:19

ई लाने हम उन बातन में लगे रैबें, जिन से मेल मिलाप और एक दूसरे कौ सुधार होबे।

- पैली कुरिन्थियों 12:10

फिन कोऊहां अचरज के काम करबे हां सक्ति; और कोऊहां अगमबानी की; और कोऊहां आत्माओं की जांच परख; और कोऊहां कुल्ल भांत की भाषा; और कोऊहां भाषा कौ मतलब बताबो।

- पैली कुरिन्थियों 12:28

और परमेसुर ने मण्डली में अलग अलग मान्स राखे आंय; पेंला प्रेरित, दूजे अगमवकता, फिन गुरूजन, फिन अचरज के काम करबेवारे, फिन साजो करबेवारे, और भलाई करबेवारे, और मुखिया, और बिलात भांत की भाषा बोलबेवारे।

- पैली कुरिन्थियों 13:1

जदि मैं मान्सन और सरगदूतन की बोलियां बोलों, और प्रेम न धरों, तो मैं ठनठानात भओ पीतल, और झनझानात भई झांझ आंव।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।

- पैली कुरिन्थियों 14:12

ई लाने तुम सोई जब आत्मा के बरदानों की बड़ी लगन लगाए आव, तो ऐसी कोसस करो, कि तुमाए बरदानों की बढ़ती से समाज की बढ़ती होबे।

- पैली कुरिन्थियों 14:22

ई लाने दूसरी दूसरी भाषा बोलबो बिसवास करबेवारन के लाने नईं, परन्त बिसवास न करबेवारन के लाने चिन्ह आंय, और अगमवानी बिसवास न करबेवारन के लाने नईं पर बिसवास करबेवारन के लाने चिन्ह आंय।

- पैली कुरिन्थियों 14:26

ई लाने हे भईया हरौ का करो चईये? जब तुम सब जुड़त आव, तो हर एक में भजन, उपदेस या दूसरी भाषा या जोत, या दूसरी भाषा कौ मतलब बताबो रैत आय: सबई कछु आत्मिक बढ़ती के लाने होबो चईये।

- पैली कुरिन्थियों 14:3

परन्त जौन अगमवानी करत आय, बो मान्सन की बढ़ती, और उपदेस, और सान्ति की बातें कहत आय।

- पैली कुरिन्थियों 14:5

मैं चाहत आंव, कि तुम सबरे दूसरी भाषाओं में बातें करो, परन्त और अधक जौ चाहत आंव कि अगमवानी करो: कायसे कि दूसरी भाषा बोलबेवारो समाज की बढ़ती के लाने अनुवाद न करे तो अगमवानी कैबेवारो ऊसे बढ़ के आय।