- पैली कुरिन्थियों 13:7 - Bundeli Holy Bible

⁷ बो सबरी बातें सह लेत आय, सबरी बातन कौ बिसवास करत आय, सबरी बातन में आसा राखत आय, सबरी बातन में धीरज धरत आय।

- पैली कुरिन्थियों 13:7 ပူးပေါင်းရင်းမြစ်များ

- उत्पत्ति 29:20

सो याकूब ने राहेल के लाने सात साल लौ सेवा करी; और बे ऊहों राहेल सें प्रेम करबे के कारन थोड़ेई दिना के बरोबर जान पड़े।

- मत्ती 10:22

मोरे नाओं के काजें सब तुम से बैर कर हैं, पर जौन अन्त लौ गम खै है ओई की मुक्ति हुईये।

- मरकुस 9:23

यीशु ने ऊसे कओ; अगर तें कर सकत आय; जा का बात आय? बिसवास करबे वालन के लाने सब कछु हो सकत आय।

- रोमियों 15:1

हम जौन धार्मिक बातन के मानबे में पक्के आंय, हम उन की जौन अपने आचरण में कमजोर आंय उन की सहें; जौ नईं कि हम अपने हां खुसी करें।

- रोमियों 8:24

ई आसा से हमाओ तरन तारन भओ आय, पर जौन बस्त की आसा करी जाय, जब बा देखबे में आय, फिन आसा कां रई? कायसे जौन बस्त हां कोऊ हेर रओ आय, ऊ की आसा का कर है?

- पैली कुरिन्थियों 13:4

प्रेम धीरज धरत आय, दया करबेवारो आय; प्रेम बैर की गांठ नईं बाधें रैत; प्रेम अपनी बड़वाई नईं करत, और घमण्ड में नईं बनो रैत।

- पैली कुरिन्थियों 9:12

और दूसरन कौ तुम पे जौ अधकार आय, तो का हमाओ ईसें अधक अधकार न हुईये? परन्त हम जौ अधकार काम में न लाएं; परन्त गम्म खात आंय, कि हम से मसीह के परचार में कोऊ रोक न होबे।

- गलतियों 6:2

तुम एक दूजे को बुझवा उठाओ, और ई तरहां मसीह को नेम पूरो करो।

- 2 थिस्सलुनीकियों 1:4

हम तुमाए लाने परमेसुर की मण्डली में बड़वाई करत आंय, कि जितेक दुख तुम सहत आव, उन से तुमाओ बिसवास और धीरज दिखात आय।

- 2 तीमुथियुस 2:24

प्रभु के दास हां झगड़ा करबेवारो नईं भओ चईये, परन्त सबरन के संग्गै मीठो बोलबेवारो, और सबरी बातन में होसयार और दूसरन की बात सैबेवारो होबै।

- 2 तीमुथियुस 3:11

और ऐसे कठन दुखन में जौन अन्ताकिया, इकुनियम और लुस्त्रा में मोपे भए और दुख जौन मैंने उठाए हैं; उन सबरन से प्रभु ने मोहां छुड़ाओ।

- 2 तीमुथियुस 4:5

परन्त तें सबरी बातन में होसयार रै, दुख उठाबे हां तईयार रै, और सुसमाचार सुनात जा और जौन काज तोहां दओ आय ऊहां पूरो कर।

- इब्रानियों 13:13

सो आओ, अपन यीशु मसीह लौ बायरें चलें कि उनके अपमान में उनके संग्गै रैबें।

- याकूब 1:12

धन्न आय बो मान्स, जौन परीक्षा में पक्को कड़े; कायसे बो परीक्षा में खरो कड़ के जीवन कौ बौ मुकुट पा है, जी कौ कौल पिरभु ने अपने प्रेम धरबेवारन हां दओ आय।

- 1 पतरस 2:24

बो खुद हमाए पापन हां अपनी देयां पे लएं भए क्रूस पे चढ़ गओ, जीसे हम पापन के लाने मर के धार्मिकता के लाने जीवन बिताएं; ओई के मार खाबे से तुम साजे भए।

- 1 पतरस 4:8

सब से ऊं ची बात जा आय कि एक दूजे से अधक से अधक प्रेम करो; कायसे प्रेम सबरे पापन हां ढांक देत आय।