- पैली कुरिन्थियों 13:4 - Bundeli Holy Bible

⁴ प्रेम धीरज धरत आय, दया करबेवारो आय; प्रेम बैर की गांठ नईं बाधें रैत; प्रेम अपनी बड़वाई नईं करत, और घमण्ड में नईं बनो रैत।

- पैली कुरिन्थियों 13:4 ပူးပေါင်းရင်းမြစ်များ

- उत्पत्ति 30:1

जब राहेल ने हेरो कि याकूब के लाने मोए सें कोऊ संतान पैदा नईं भई, तब बा अपनी बहन सें जलन लगी और याकूब सें कई, “मोहों भी संतान दे, नईं तौ मर जैहों!”

- उत्पत्ति 37:11

ऊके भईया तौ ऊसें जलत हते; परन्‍त ऊके बाप ने ऊके ऊ बचन हों याद रखो।

- नहेम्याह 9:17

और हुकम मानबे सें मना करो, और जो चमत्‍कारी काम तेंनें उनके मजारें करे हते, उनहों याद नईं करो, बल्‍कि हट करके इतै लौ बलवा करबेवारे बने, कि एक मुखिया ठैराओ कि अपनी गुलामी की दसा में फिन लौटें। परन्‍त तें छमा करबेवारो अनुग्रह और दया करबेवारो, देर सें गुस्‍सा करबेवारो और भौतई प्रेम करबेवारो ईसुर आय। तेंनें उनहों त्‍यागो नईंयां।

- मत्ती 27:18

कायसे बो जानत हतो कि उन ने ऊहां छल से पकड़वाओ आय।

- प्रेरितन के काम 7:9

कुलपतियन ने यूसुफ से डाह कर के ऊहां मिसर जाबेवारन के हाथ बेंच दओ; पर परमेसुर ऊके संग्गै हतो।

- रोमियों 1:29

ई लाने बे सब भांत के पाप, और दुष्टता, और लोभ लालच, और बैरभाव से भर गए; और डाह, और हत्या, और झगड़े, और छल कपट, और जलन से भरपूर हो गए, और चुगलखोर।

- रोमियों 13:13

जैसो दिन में सई लगत आय, ऊं सई हम सूदरी चाल चलें; न अपनी मनमौजीपन में, न परतिरिया भोग में, न दारूबाजी, न लुच्चपन में, न लड़ाई झगड़ा न डाह में।

- पैली कुरिन्थियों 3:3

कायसे तुन अब लौ सारीरिक आव, कि जब तुम में जलन और झगड़ा आय, तो का तुम सारीरिक नईंयां? और मान्सन जैसी गैल नईं निंगत?

- पैली कुरिन्थियों 4:18

कछु मान्स घमण्ड से ऐसे भर गए आंय, जौ सोच के, कि जानो मैं तुमाए ऐंगर न आ हों।

- पैली कुरिन्थियों 4:6

हे भईया हरौ, मैंने इन बातन में अपनी और अपुल्लोस की कनौत सी कई, कि तुम हम से जौ सीखो, कि जैसो लिखो आय ऊसे आंगू न बढ़ियो, एक हां बड़ो और दूसरे हां ओछो न जानियो।

- पैली कुरिन्थियों 5:2

तुम हां ई पाप से सरम लौ नईं आत, कि ऐसे काज के करबेवारे हां अपने बीच से काड़ बायरें करो, पर तुम तो मूड़ ऊंचो कर के निगत आव।

- पैली कुरिन्थियों 8:1

अब मूरतों के सामूं बलि करी भई बस्तों के बारे में - हम जानत आंय, कि हम सबई हां ज्ञान आय: ज्ञान घमण्ड पैदा करत आय, परन्त प्रेम से बढ़ती होत आय।

- दूसरी कुरिन्थियों 12:20

कायसे मोहां डर आय, कहूं ऐसो न होबे, कि मैं आके जैसो चाहत आंव, और जैसो तुम हां नईंर् चाहत ऊंसई पाओं; और मोय सोई जैसो तुम नईं चाहत वैसो पाओ, कि तुमाए भीतरै लड़ाई, बैर, गुस्‍सा करबो, दूसरन को बिरोध, जलन, चुगली करबो, अभमान और बखेड़े होबें।

- दूसरी कुरिन्थियों 6:6

साजो रैके, ज्ञान से, धीरज धर के, दया करके, पवित्तर आत्मा से।

- गलतियों 5:26

हम अपने हां बड़ो सोच के एक दूजे हां परेसान न करें, और एक दूसरे को बुरओ न चाहें।

- इफिसियों 4:2

मानो नरम होकें धीरत और प्रेम से, एक दूजे की बात सै लेओ।

- इफिसियों 4:32

अकेले एक दूजे पै दया करो, और जैसे परमेसुर ने मसीह में तुमाए पाप क्षिमा कर दए, ऊंसई तुम सोई एक दूजे के पाप क्षिमा करो।

- फिलिप्पियों 1:15

जा सोई सांची आय कि कित्ते जन जलन से और कित्ते भली मनसा से बचन सुनात आंय।

- कुलुस्सियों 1:11

और उनके जस के जोर से और सबरी बात में बढ़त जाओ, इते लौ कि मजे से धीरज करके सैबेवारोपन राखो।

- कुलुस्सियों 2:18

उन से धोका न खाईयो जौन ऐसे दिखात आंय कि बड़े कोंरे मन के आंय, जौन सरगदूतन की पूजा करत आंय परन्त तुम हां ऊ इनाम से जौन तुम हां मिलो चईये ऊ में बिलोरा डालत आंय। ऐसो मान्स बेसमझी की बातें करत आय और स्वारथी आय।

- कुलुस्सियों 3:12

परमेसुर ने तुम से प्रेम करो और तुम हां पवित्तर करके अपने लोगन में जोड़ लओ आय, सो तुम दया करबेवारे, दीन, और भलो करबेवारे और धीरज धरबेवारे बनो।

- 1 थिस्सलुनीकियों 5:14

भईया हरौ, हम बताएं कि जौन की चाल ठीक नईंयां उन हां समझाओ, और जौन पाछें आंय उन हां बढ़ाओ, और सबरन की सहो।

- 1 तीमुथियुस 6:4

तो बो घमण्डी हो गओ, और कछु नईं जानत, पर ऊहां बिवाद और शब्दों पै बहस करबे कौ रोग आय, जिन से डाह, और लड़ाई, और निन्दा की बातें, और बुरय बुरय शक।

- 2 तीमुथियुस 2:25

जौन जनें बिरोध करें उन हां धीरज से समझा दो, का पता कि परमेसुर उनको मन बदल देबे, कि बे सोई इन सांची बातन हां मानें।

- 2 तीमुथियुस 3:10

तेंने अपने उपदेस, और अपनी चाल, और बिसवास, और सैबेवारो मन, प्रेम और धीरज, और सताए जाबे में सोई मोरे संग्गै दुख उठाओ आय।

- 2 तीमुथियुस 4:2

कि तें बचन के परचार के लाने तईयार रै; और सबरी बातन में धीरज से सै, और मान्सन हां सिखा और दपट और समझा दे।

- तीतुस 3:3

कायसे हम पेंला, मूरख और परमेसुर की अग्या न मानबेवाले, और दुबधा में हते, और भांत भांत की चाहना करत हते, और मजा मौज चाहत हते और अदावट धरें हते, और दूसरन को बुरओ सोचत हते, और बहुत घिना हते और दूसरन से बैर मानें हते।

- याकूब 4:5

का तुम जौ समजत आव, कि पवित्र बचन ऊंसई कहत आय? कि जौन आत्मा हां ऊ ने हमाए भीतरै बसाओ आय, कि बो ऐसी चाहना करत आय, कि ऊसे जलन डाह होबै।

- 1 पतरस 2:1

ई लाने सब भांत कौ बैरभाव और छल और कपट और जरुआपन और बदनामी हां अलग कर के।

- 1 पतरस 3:8

ई लाने सबरे के सबरे एक हिये और दया करबेवारे, और भाईचारे की प्रीति रखबेवारे, और तरस खाबेवारे, और नरम बनो।

- 1 पतरस 4:8

सब से ऊं ची बात जा आय कि एक दूजे से अधक से अधक प्रेम करो; कायसे प्रेम सबरे पापन हां ढांक देत आय।

- 2 पतरस 1:7

भक्ति पे भाईचारे कौ स्नेह, और स्नेह पे प्रेम बढ़ात जाओ।

- 1 यूहन्‍ना 4:11

प्यारे जनौ, जब परमेसुर हम से ऐसो प्रेम धरें आय, तो हम हां सोई एक दूजे से प्रेम करो चईये।