- पैली कुरिन्थियों 12:8 - Bundeli Holy Bible

⁸ कायसे एक हां आत्मा से समज की बातें दईं जात आंय; और दूजे हां ओई आत्मा से ज्ञान की बातें।

- पैली कुरिन्थियों 12:8 ပူးပေါင်းရင်းမြစ်များ

- नहेम्याह 9:20

बल्‍कि तेंनें उनहों समजाबे के लाने अपनी आत्‍मा हों जौन भली आय दई, और अपनो मन्‍ना उनहों खिलाबो नईं छोड़ो, और उनकी प्‍यास बुझाबे हों पानी देत रओ।

- मत्ती 13:11

ऊने उन हां उत्तर दओ, तुम हां सरग के राज्य के भेदन की समझ दई गई आय, पर उन हां नईं।

- प्रेरितन के काम 6:3

ई लाने हे भईया हरौ, अपने में से सात नामी मान्सन हां जौन पवित्तर आत्मा और समझदारी से भरे होबें, नबेर लेओ, कि हम उन हां ई काम पे ठैरा देबें।

- रोमियों 15:14

हे मोरे भईया हरौ, मैं खुद तुमाए बारे में पक्के से जानत आंव, कि तुम सोई आप ही भलाई से भरे और पिरभु परमेसुर की समज से भरेपूरे आव और एक दूजे हां चिता सकत आव।

- पैली कुरिन्थियों 1:30

परन्त ओई कुदाऊं से तुम मसीह यीशु में आव, जौन परमेसुर कुदाऊं से हमाए लाने ज्ञान ठैरो जाने कि धरम, और पवित्तरता, और छुटकारो।

- पैली कुरिन्थियों 1:5

कि तुम मसीह में होकें सबरी बातन में जाने कि सबरे बचनन के ज्ञान से भर गए आव।

- पैली कुरिन्थियों 13:2

और जदि मैं अगमवानी कर सकों, और सब भेदों और ज्ञान को समजों, और मोय इते लौ पक्को बिसवास होबे, कि मैं पहारवन हां हटा देओं, परन्त प्रेम न धरों, तो मैं कछु लौ नईंयां।

- पैली कुरिन्थियों 13:8

प्रेम कभऊं टलत नईंयां; अगमबानी होबें तो मिट जै हैं; भाषाएं बोली होबें तो जात रै हैं; ज्ञान होबे, तो मिट जै है।

- पैली कुरिन्थियों 14:26

ई लाने हे भईया हरौ का करो चईये? जब तुम सब जुड़त आव, तो हर एक में भजन, उपदेस या दूसरी भाषा या जोत, या दूसरी भाषा कौ मतलब बताबो रैत आय: सबई कछु आत्मिक बढ़ती के लाने होबो चईये।

- पैली कुरिन्थियों 14:6

ई लाने हे भईया हरौ, जदि मैं तुमाए ऐंगर आके दूसरी भाषा में बात करों, और बुद्धमानी, या ज्ञान समज, या अगमवानी, या उपदेस की बातें तुम से न कओं, तो तुम हां मो सें का फायदा हुईये?

- पैली कुरिन्थियों 2:11

मान्सन में से कौन कोऊ मान्स की बातें जानत आय, अकेले ओई मान्स की आत्मा जौन ऊ में आय, ऊं सई परमेसुर की बातें सोई कोई नईं जानत, बस परमेसुर की आत्मा।

- पैली कुरिन्थियों 2:16

कायसे पिरभु के मन हां कीने जानो आय, कि उनहां सिखाबे? परन्त हम में मसीह को हिया आय।

- दूसरी कुरिन्थियों 1:12

कायसे हम अपने हिये की जा बात मानत आंय, कि और ऊ पै बड़वाई करत आंय, कि संसार में और तुमाए बीच हमाई चाल परमेसुर को भाबेवारी पवित्तर और सांची हती, और ऐसो संसार के ज्ञान से नोंई, अकेले परमेसुर की दया से भई।

- दूसरी कुरिन्थियों 11:6

जैसे मैं बोलबे में अनाड़ी आओं, अकेले ज्ञान में नईंयां, हम ने तो ई ज्ञान हां सबरी बातन में सबरन हां दिखाओ आय।

- दूसरी कुरिन्थियों 2:14

अकेले परमेसुर को धन्न मानत आंव, जौन मसीह में हम हां सबरी जीत देत आय, और अपनी बातन की बास हम में हो सबरी जांगा फैलत आय।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- दूसरी कुरिन्थियों 6:6

साजो रैके, ज्ञान से, धीरज धर के, दया करके, पवित्तर आत्मा से।

- दूसरी कुरिन्थियों 8:7

सो एक एक बातन में जैसे बिसवास, बचन, ज्ञान और सब कोसिस में, और प्रेम में, जौन हम से घटे होबें, ऊ में ब ढ़त जाओ, ऊं सई ई दान के काम में सोई आगे रओ।