- पैली कुरिन्थियों 12:27 - Bundeli Holy Bible

²⁷ ऐई भांत तुम सबरे जुड़ के मसीह की देयां आव, और अलग अलग ऊके अंग आव।

- पैली कुरिन्थियों 12:27 ပူးပေါင်းရင်းမြစ်များ

- रोमियों 12:5

ऊंसई हम जौन बिलात आंय, मसीह में एक देयां होकें आपस में एक दूसरे के अंग आंय।

- पैली कुरिन्थियों 1:2

परमेसुर की ऊ समाज के नाओं जौन कुरिन्थुस में आय, जाने कि उन के नाओं जौन मसीह यीशु में पवित्तर करे गए आंय, और जौन पवित्तर होबे हां बुलाए गए आंय, और उन सबरन के नाओं जौन अपनी अपनी जांगा पिरभु यीशु के नाओं से बिन्तवाई करत आंय।

- पैली कुरिन्थियों 10:17

ई लाने कि एकई रोटी आय, सो हम सोई जौन बिलात आंय, एक देयां आंय: कायसे हम सबरे ओई रोटी में से खात आंय।

- पैली कुरिन्थियों 12:12

कायसे जौन भांत देयां तो एकई आय, परन्त ऊ में अंग बिलात आंय, और ऊ एक देयां के सबरे अंग, बिलात होबे पे सोई सबरे जुड़ के एकई देयां आय, ओई भांत मसीह सोई आय।

- पैली कुरिन्थियों 12:26

ई लाने जदि एक अंग में पिरातो होबे, तो सबरे अंग ऊके संग्गै पीड़ा पाऊ त आंय; और जदि एक अंग की बड़वाई होत आय, तो ऊके संग्गै सबरे खुसी मनात आंय।

- पैली कुरिन्थियों 6:15

का तुम हां पता नईंयां, कि तुमाई देयां मसीह कौ हींसा आय? सो का मैं मसीह कौ हींसा लेके ऊहां बेश्या कौ हींसा बनाओं? कभऊं नर्इं।

- इफिसियों 1:23

जा उनकी देह आय, और ओई को जस आय, जौन सबरन में सब देत आय।

- इफिसियों 4:12

जीसे बिसवास करबेवारे पक्के होबें, और सेवा करी जाबै, और मसीह की देह बढत जाबै।

- इफिसियों 5:23

कायसे मुन्स बईयर की मूड़ आय जैसे प्रभु यीशु मसीह मण्डली की मूड़ आय।

- इफिसियों 5:30

कायसे हम उनकी देह जाने मण्डली के भाग आंय।

- कुलुस्सियों 1:18

बेई अपनी देह, जानो बिरादरी के मुखिया आंय; उनईं से संसार चलो और मरे भयन में से जी उठबेवारन में पैले हते जीसे बे सबरन में ऊंचे रैबें।

- कुलुस्सियों 1:24

अब जौन दुख मोहां तुमाए काजें भओ ऊ पे मोहां खुसी आय, और मैं अब उनकी कलीसिया के लाने दुख सहबे हां राजी आंव।

- कुलुस्सियों 2:19

बे पिरभू यीशु मसीह के संग्गै नईं जुड़े आंय, जौन सबरी देह के मूड़ आंय, पिरभू सरीर हां सकती देत आय, परमेसुर के जोर से जोड़त और मांस हां संग्गै बांधे रैबे।