- पैली कुरिन्थियों 12:18 - Bundeli Holy Bible

¹⁸ परन्त सांचई परमेसुर ने अंगों हां अपनी चाहना अनसार एक एक कर के देयां में धरो आय।

- पैली कुरिन्थियों 12:18 ပူးပေါင်းရင်းမြစ်များ

- योना 1:14

तब उनोंरन ने यहोवा परमेसुर हों चिल्‍लयाकें कई, “हे यहोवा परमेसुर हम बिनती करत आंय, कि ई मान्‍स के प्राण के संगै हमाओ नास नें होबै, और नें हमें निरदोस की हत्‍या कौ दोसी ठैरा; कायसे हे यहोवा परमेसुर, जो कछु तोरी इच्‍छा हती ओई तेंने करो आय।”

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- लूका 12:32

हे हलके झुण्ड़, न डर; कायसे तुमाए बाप हां जौ साजो लगो आय, कि राज तुम हां दे।

- रोमियों 12:3

कायसे मैं ऊ दया किरपा के काजें जौन मोय पै भई आय, तुम सबरन से कैत आंव, कि जैसो समजो चईये, ऊसे बढ़ के कोई अपने हां न समजे परन्त जैसो परमेसुर ने सबई हां योग्यता अनसार बिसवास दओ आय, ऊंसई सई सोच बिचार के संग्गै अपने हां समजे।

- रोमियों 12:6

और जब ऊ दया किरपा के अनसार जौन हम हां दओ गओ आय, हम हां अलग अलग बरदान मिले आंय, तो जीहां अगमवानी कौ दान मिलो होबै, बो बिसवास से ऊके अनसार अगमवानी करे।

- पैली कुरिन्थियों 12:11

परन्त जे सबरे असरवारे काम ओई एक आत्मा करवात आय, और जिये जो चाहत आय ऊ बांट देत आय।

- पैली कुरिन्थियों 12:17

जदि सबरी देयां आंख ही होती, तो सुनबो कां होतो? जदि सबरी देयां कान ही होती, तो सूंघबो कां होतो?

- पैली कुरिन्थियों 12:19

जदि बे सबरे एकई अंग होते, तो देयां कां होती?

- पैली कुरिन्थियों 12:24

फिन भी हमाए साजे अंगों हां ईसे काम नोंईं, परन्त परमेसुर ने देयां हां ऐसो बना दओ आय, कि जौन अंग ओछो लेखो जात हतो ऊहां और बिलात कौ मान बढ़े।

- पैली कुरिन्थियों 12:28

और परमेसुर ने मण्डली में अलग अलग मान्स राखे आंय; पेंला प्रेरित, दूजे अगमवकता, फिन गुरूजन, फिन अचरज के काम करबेवारे, फिन साजो करबेवारे, और भलाई करबेवारे, और मुखिया, और बिलात भांत की भाषा बोलबेवारे।

- पैली कुरिन्थियों 15:38

परन्त जब परमेसुर अपनी मन्सा के अनसार ऊहां देयां देत आय; और हर एक बीज हां ऊ की खास देयां।

- पैली कुरिन्थियों 3:5

अपुल्लोस का और पौलुस का आंय? बस चाकर, जिनके द्वारा तुम ने बिसवास करो, जैसो हर एक हां पिरभु ने दओ।

- इफिसियों 1:5

अपनी मरजी से हम हां पेंला से धरो कि यीशु मसीह में हम उनके गोद लए लड़का कहाबें।

- इफिसियों 1:9

उन ने अपनी मरजी को लुको भेद हम हां अपने विचार से बताओ जीहां उन ने अपने मन में ठानो हतो।

- यूहन्‍ना के दरसन कौ खुलासा 4:11

कि हमाए पिरभू, और परमेसुर, तुमईं मान, गुनगान और जस पाबे के लायक आव; कायसे तुमईं ने सबरे संसार की बस्तन हां अपनी मरजी से बनाओ।