- पैली कुरिन्थियों 11:21 - Bundeli Holy Bible

²¹ कायसे खाबे की बेरा, एक दूजे से पैले अपनी बियारी कर लेत आय, और कोऊ तो भूखो रैत आय, और कोऊ मतवारो हो जात आय।

- पैली कुरिन्थियों 11:21 ပူးပေါင်းရင်းမြစ်များ

- यूहन्‍ना 2:10

सब जने मान्स पेंला उमदा दाखरस देत आय और जब लोगबाग पीके अफर जात आंय, तब घटिया देत आंय; तेंने तो उमदा दाखरस अबै लौ धरें रओ।

- पैली कुरिन्थियों 11:20

सो तुम जौन एक जांगा जुड़त आव तो जौ पिरभु की बियारी करबे हां नोंई।

- पैली कुरिन्थियों 11:34

जदि कोऊ भूखो होबे, तो अपने घर में खा लेबे, जीसे तुमाओ इकट्ठो होबो दांड़ कौ काज न होबे: बची कुची बातन हां मैं आके सुदार दै हों।

- 2 पतरस 2:13

अपने अधरम कौ फल उनईं हां मिल है, उन हां दिन दुपारी सुख विलास करबो साजो लगत आय; बे कलंक और दागी आंय, जब बे तुमाए संग्गै खात पियत आंय, तब अपनी कुदाऊं से प्रेम भोज करके भोग विलास करत आंय।

- यहूदा 1:12

जे तुमाई प्रेम सभा में तुमाए संग्गै खात पियत आंय, और जैसे समुन्दर में चट्टान दबी रैत आय, ऊंसई अपने पेट के लाने कमाई करबेवारे रखनवारे आंय; जौन मानो बिना जल के बादरे घांई आंय, जिन हां बैहर उड़ा देत; और पतझड़ में जैसो पेड़ो हो जात, जैसे मर गओ होबै, और बे ऐसे आंय जैसे जड़ से पट गए होबें।