- पैली कुरिन्थियों 10:17 - Bundeli Holy Bible

¹⁷ ई लाने कि एकई रोटी आय, सो हम सोई जौन बिलात आंय, एक देयां आंय: कायसे हम सबरे ओई रोटी में से खात आंय।

- पैली कुरिन्थियों 10:17 ပူးပေါင်းရင်းမြစ်များ

- रोमियों 12:5

ऊंसई हम जौन बिलात आंय, मसीह में एक देयां होकें आपस में एक दूसरे के अंग आंय।

- पैली कुरिन्थियों 10:21

तुम पिरभु के कटोरा, और बुरई आत्माओं के कटोरा दोईयन में से नईं पी सकत! तुम पिरभु के बैठका पे और बुरई आत्मा के बैठका दोईयन के भागीदार नईं हो सकत।

- पैली कुरिन्थियों 12:12

कायसे जौन भांत देयां तो एकई आय, परन्त ऊ में अंग बिलात आंय, और ऊ एक देयां के सबरे अंग, बिलात होबे पे सोई सबरे जुड़ के एकई देयां आय, ओई भांत मसीह सोई आय।

- पैली कुरिन्थियों 12:27

ऐई भांत तुम सबरे जुड़ के मसीह की देयां आव, और अलग अलग ऊके अंग आव।

- इफिसियों 3:6

कि मसीह यीशु में बचन सुनके अन्यजाति लोग सोई मिलबेवारे हक्क में सोंजिया हुईयें, और एकई देह और प्रतिज्ञा के संग्गी हुईयें।

- इफिसियों 4:16

जीसे पूरो सरीर एक एक जोड़ से मिलके, और गसके ऊ तौर पै जाने सबरे जनों हां अलग अलग होत आय, अपने में बढ़त जात आय, कि बो प्रेम में बढ़त चली जाबै।

- इफिसियों 4:25

ईसे लाबरी कैबे छोड़ के सबरे जनें एक दूजे से सांची कओ, कायसे हम एक दूसरे के अंग आंय।

- इफिसियों 4:4

एकई देह आय, और एकई आत्मा; जैसे तुम हां जौन नेवता मिलो हतो अपने बुलाए जैबे से एकई आसा आय।

- कुलुस्सियों 2:19

बे पिरभू यीशु मसीह के संग्गै नईं जुड़े आंय, जौन सबरी देह के मूड़ आंय, पिरभू सरीर हां सकती देत आय, परमेसुर के जोर से जोड़त और मांस हां संग्गै बांधे रैबे।

- कुलुस्सियों 3:11

उन में कोई यूनानी, यहूदी, खतना करो और बिना खतना करो, और न जंगल में रैबेवारो, स्कूती, न बन्धुआ मजूर, और न छूटो मान्स न्यारे नईंयां, कायसे यीशु मसीह सब के लाने आय और सबरन के हिये में रैत आंय।

- कुलुस्सियों 3:15

तुम सबरे जनें यीशु मसीह की देह के मानो अंग आव और सान्ति से रैबे हां जुड़े आव, सो जानो सान्ति पिरभू से मिलत आय, ऊ तुमाए सोच हां संभाले और तुम उन हां धन्नवाद देत रओ।