- पैली कुरिन्थियों 1:27 - Bundeli Holy Bible

²⁷ परन्त परमेसुर ने संसार के मूरखन हां नबेर लओ, कि ज्ञानवारन हां लज्जित करें; और परमेसुर ने संसार के कमजोरों हां नबेर लओ आय, कि बलवानन हां लज्जित करे।

- पैली कुरिन्थियों 1:27 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- मत्ती 21:16

यीशु ने उन से कई, हओ; का तुम ने जौ कभऊं नईं पढ़ो, कि बच्चन और दूध मुंहे बच्चन से तेंने अपने लाने भजन गवाए?

- मत्ती 9:9

यीशु उते से आंगू बढ़े तो ऊने मत्ती नाओं के एक मान्स हां चुंगी नाके पे बैठो तको, और ऊने ऊसे कई, मोरे पाछें हो ले। बो उठो और ऊके पाछें चल दओ।

- लूका 21:15

कायसे मैं तुम हां सोच और समज देंहों, कि तुमाए सबरे बिरोधी तुमाओ सामना या वादविवाद न कर सक हैं।

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 7:35

जौन मूसा हां उन ने जौ कह के हटक दओ हतो कि तोय कीने हम पे हाकम और न्यायी ठैराओ आय; ओई हां परमेसुर ने हाकम और छुड़ाबेवारो ठैरा के, ऊ सरगदूत के द्वारा जीने ऊहां झाड़ी में दर्शन दओ हतो, पठैओ।

- प्रेरितन के काम 7:54

जे बातें सुन के बे आपे से बायरें हो गए और ऊ पे खिसया के दांत पीसन लगे।

- पैली कुरिन्थियों 1:20

कां रओ ज्ञानवारो? कां रओ शास्त्र कौ जानबेवारो? कां रओ ई संसार कौ बतकाओवारो? का परमेसुर ने ई संसार के ज्ञान हां मूरखता नईं ठैराओ?

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 2:12

परन्त हम ने संसार की आत्मा नईं, परन्त बो आत्मा पाओ आय, जौन परमेसुर कुदाऊं से आय, कि हम उन बातन हां समजें, जौन परमेसुर ने हम हां दई आंय।

- दूसरी कुरिन्थियों 10:10

कायसे कैत आंय, कि उनकी चिठियां बजनदार और मतलब से भरी आंय; अकेले जब देखत आंव, तो ऐसो लगत कि बो देह को नरम और बोलबे में ढीलो आय।

- दूसरी कुरिन्थियों 4:7

अकेले हमाए लौ जा पूंजी माटी के घैलों में धरी आय, जौ बल हमाओ नईंया, परन्त परमेसुर को दओ आय।

- याकूब 2:5

हे मोरे प्यारे भईया हरौ, सुनो; का परमेसुर ने ई संसार के गरीबन हां नईं नबेरो, कि बे बिसवास में धनी और ऊ राज के हाकम होबें, जी कौ कौल उन ने अपने प्रेम करबे वारन से करो आय?