- पैली कुरिन्थियों 1:23 - Bundeli Holy Bible

²³ परन्त हम तो ऊ क्रूस पे टांगे गए मसीह कौ परचार करत आंय, जौन यहूदियन हां उपटा कौ काज, और दूसरी जातवारन हां मूरखता आय।

- पैली कुरिन्थियों 1:23 ပူးပေါင်းရင်းမြစ်များ

- मत्ती 11:6

और धन्य आय बो, जौन मोरे काजें ठोकर न खाबै।

- मत्ती 13:57

और ऊसे लोगन हां बुरओ लगो, पर यीशु ने उन से कई, आगमवकता कौ अपने देस और अपने घर हां छोड़ और कहूं निरादर नईं होत।

- लूका 2:34

तब शमौन ने ऊहां आशीष देके, ऊ की मताई मरियम से कई; तक, बो तो इस्राएल में बिलात जनन के गिरबे, और उठबे के लाने, और एक ऐसो चिन्ह होबे हां ठैराओ गओ आय, जी के बिरोद में बातें कई जै हैं।

- पैली कुरिन्थियों 1:18

कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 1:28

और परमेसुर ने संसार के नीचों और ओछों हां, इते लौ कि जौन हैईं नईंयां उन हां सोई नबेर लओ, कि उन हां जौन आंय, बेकार ठैराबें।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- पैली कुरिन्थियों 2:2

कायसे कि मैंने पक्को ठान लओ हतो, कि तुमाए मजारें यीशु मसीह, जाने कि क्रूस पे टांगे गए मसीह हां छोड़ और कोऊ बात हां न जानों।

- पैली कुरिन्थियों 4:10

हम मसीह के लाने मूरख आंय; परन्त तुम ज्ञानवान आव: हम कमजोर आंय और तुम बली आव: तुमहां मान दओ जात आय, और हम हां ओछो लेखो जात आय।

- दूसरी कुरिन्थियों 4:5

कायसे हम अपने नईं, अकेले हम पिरभू यीशु को परचार करत आंय, कि बो पिरभू आय; अपने लाने तो हम कैत आंय, कि यीशु के कारण मानो तुमाए चाकर आंय।

- गलतियों 3:1

हे मूरख गलतियो, की ने तुमाओ मन मोह लओ? तुमाई तो आंखन के सामूं यीशु मसीह क्रूस में दिखे।

- गलतियों 5:11

अकेले भईया हरौ, जैसे मैं अबै लौ खतना की बात करत आंव, तो काय हां मोहां परेसान करो जात आय; क्रूस से जौन डर हतो बो चलो गओ।

- गलतियों 6:14

अकेले ऐसो नईं होबे, कि मैं और कोऊ बात में बड़वाई करों, केवल हमाए पिरभु यीशु मसीह के क्रूस पै, जीसे संसार मोरे काजें और मैं संसार के काजें क्रूस पै चढाओ गओ हों।

- इफिसियों 3:8

मो पै जौन सबरे परित्तर लोगन में सबसे लौरो आंव, जा दया भई, कि मैं अन्यजातियन हां मसीह में मिलबेवारे महा धन के बचन सुनाओं।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- 1 पतरस 2:8

बो उपटा लगबे कौ पथरा और ठोकर खाबे की चट्टान हो गओ आय, कायसे बे तो बचन को न मानके चोट खात आंय और ऐई के लाने बे ठैराए सोई गए हते।