- पैली कुरिन्थियों 1:21 - Bundeli Holy Bible

²¹ कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 1:21 ပူးပေါင်းရင်းမြစ်များ

- मत्ती 11:25

ओई बेरा यीशु ने कई, हे बाप, सरग और धरती के पिरभू; मैं तोरो धन्न मानत हों, कि तेंने इन बातन हां पंडितन और शास्त्रियन से लुका के धरीं, और हलकन पे दरसाई आंय।

- लूका 10:21

ओई बेरा यीशु पवितर आत्मा में होकें खुसी से भर गओ, और कैन लगो; हे बाप, सरग और संसार के पिरभु, मैं तोरो धन्नवाद करत आंव, कि तेंने जे बातें बुद्धिमानों और समजवारन से लुका रखीं, और बच्चन पे उजागर करी आंय, हओ, हे बाप, कायसे तोहां जौई साजो लगो।

- लूका 12:32

हे हलके झुण्ड़, न डर; कायसे तुमाए बाप हां जौ साजो लगो आय, कि राज तुम हां दे।

- यूहन्‍ना 12:31

अब ई जगत कौ न्याव होत आय, अब ई जगत कौ हाकिम काड़ दओ जै है।

- रोमियों 1:28

जब उन ने परमेसुर हां नईं मानो, तो परमेसुर ने सोई उन हां उन के बुरे हियन पे छोड़ दओ; कि बे बुरए काम करें।

- रोमियों 11:33

आहा! परमेसुर कौ धन और समज बड़ी गैरी आय! ऊकौ सोचबो कि उनकी थाह न मिले, और ऊ की गैल कौ बयान नईं हो सकत।

- पैली कुरिन्थियों 1:18

कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- पैली कुरिन्थियों 1:23

परन्त हम तो ऊ क्रूस पे टांगे गए मसीह कौ परचार करत आंय, जौन यहूदियन हां उपटा कौ काज, और दूसरी जातवारन हां मूरखता आय।

- पैली कुरिन्थियों 1:24

परन्त जीहां उन ने टेरो आय चाहे बे यहूदी होबें चाहे यूनानी, उन के लाने मसीह, परमेसुर की बल सक्ती, और परमेसुर कौ ज्ञान आय।

- पैली कुरिन्थियों 1:25

कायसे परमेसुर की मूरखता मान्सन के ज्ञान से बढ़ के ज्ञानवान आय; और परमेसुर की कमजोरी मान्सन के बल से बिलात बलवान आय।

- पैली कुरिन्थियों 1:27

परन्त परमेसुर ने संसार के मूरखन हां नबेर लओ, कि ज्ञानवारन हां लज्जित करें; और परमेसुर ने संसार के कमजोरों हां नबेर लओ आय, कि बलवानन हां लज्जित करे।

- पैली कुरिन्थियों 11:32

परन्त पिरभु हम हां दांड़ देके हुंसयार करत आय, कि संसार के संग्गै हम पे लांछन खोरी न आबै।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- पैली कुरिन्थियों 4:10

हम मसीह के लाने मूरख आंय; परन्त तुम ज्ञानवान आव: हम कमजोर आंय और तुम बली आव: तुमहां मान दओ जात आय, और हम हां ओछो लेखो जात आय।

- पैली कुरिन्थियों 6:2

का तुम हां जौ पता नईंयां, कि पवित्तर मान्स संसार कौ न्याव कर हैं? सो जब तुम हां संसार कौ न्याव करने आय, तो का तुम हलके से हलके न्याव निपटाबे के जोग नईंयां?

- गलतियों 1:15

अकेले परमेसुर, जीने मोरी मताई के गरभ से मोहां नबेरो हतो और अपनी दया से बुला लओ।

- गलतियों 4:8

भलो, तब तो तुम औरें परमेसुर हां न जानके उनके चाकर हते जौन स्वभाव से परमेसुर नईंयां।

- इफिसियों 1:9

उन ने अपनी मरजी को लुको भेद हम हां अपने विचार से बताओ जीहां उन ने अपने मन में ठानो हतो।

- इफिसियों 3:10

कि अब मण्डली से परमेसुर के बिलात ज्ञान उन मुखियन और हाकमन पै जौन सरग में आय खोले।

- कुलुस्सियों 1:19

पिता परमेसुर ईमें खुस आंय कि बे अपनो पूरो वास अपने पुत्र यीशु मसीह में राखें।

- इब्रानियों 1:14

सरगदूत जौन को तरन तारन हो गओ; उनकी सेवा खुसामद को आंय।

- इब्रानियों 2:3

तो हम ऐसे अच्छे तरन तारन के रस्ता हां जानके कैसे बचे जात आंय? पिरभू ने पेंला ईहां हमें बताओ, और जिन ने जो बचन सुनो और मानो ईसे हमें पक्को हो गओ कि जौ सांचो आय।

- इब्रानियों 7:25

सो जौन पिरभू यीशु मसीह पै बिसवास धरके परमेसुर लौ पोंच हैं; बे उनको पूरो पूरो तरन तारन करत आय, और परमेसुर के सामूं उनके लाने बिन्तबारी करत आंय।

- याकूब 4:4

हे पापीनिओ, का तुम नईं जानत, कि संसार से दोस्ती करबो परमेसुर से बैर धरबो आय? सो जो कोऊ संसार कौ दोस्त होबो चाहत आय, बो अपने आप हां परमेसुर कौ बैरी बनात आय।

- याकूब 5:15

और बिसवास की बिन्तवाई से रूगिया बच जै है और पिरभु ऊहां उठा के ठांड़ो कर है; और जदि ऊ ने पाप सोई करे होबें, तो उनकी सोई क्षिमा मिल जै है।

- याकूब 5:20

तो बो जौ जान लेबे, कि जौन कौनऊं भटके भए पापी हां फेर ले आ है, बो एक प्रान हां मरबे से बचा है, और कुल्ल के पाप मिट जै हैं।