- पैली कुरिन्थियों 1:18 - Bundeli Holy Bible

¹⁸ कायसे क्रूस की गाथा जौन नास होबेवारे आंय उन के लाने मूरखन की किस्सा कहानी आय, परन्त हम तरन तारन पाबेवारन हां परमेसुर की बल सकती आय।

- पैली कुरिन्थियों 1:18 ပူးပေါင်းရင်းမြစ်များ

- प्रेरितन के काम 13:41

हे ठट्ठौ करबेवालो, हेरो, और अचरज करो, और मिट जाओ; कायसे मैं तुमाए दिन में एक काज कर रओ आंव; ऐसो काज, जीकी अगर कोऊ तुम से चरचा भी करे, तो तुम कभऊं ऊ की बातन कौ भरोसा न करियो।

- प्रेरितन के काम 17:18

और कछु इपीकूरी और स्तोईकी ज्योतिषियन भी ऊसे बहस करन लगे, कछु कहत हते, जौ बकवासी कहबो का चाहत आय? पर दूसरन ने कई; जौ तो अद्भुत देवता कौ परचार करबेवालो जान पड़त आय, कायसे बो यीशु और मरे भयन के जी जाबे कौ परचार कर रओ हतो।

- प्रेरितन के काम 17:32

जब उन ने मरे भयन में से जी जाबे की बात सुनी तो कछु लोग ठट्ठा करन लगे, पर दूसरन ने कई, हम ई बारे में तोय से फिन कभऊं सुन हैं।

- प्रेरितन के काम 2:47

और परमेसुर की भक्ति करत हते, और सब जने उन से खुस हते: और जो उद्धार पात हते, उनको प्रभु रोजीना उन में मिला देत हतो।

- रोमियों 1:16

कायसे मैं भले सन्देस देबे से नईं लजात, ई लाने कि बो सब कोऊ जौन बिसवास करत आंय, पेंला तो यहूदी, फिन यूनानी के उद्धार के लाने परमेसुर की तागद आय।

- पैली कुरिन्थियों 1:21

कायसे जब परमेसुर के ज्ञान अनसार संसार ने ज्ञान से परमेसुर हां न चीनो तो परमेसुर हां जौ साजो लगो, कि ई परचार की मूरखता द्वारा बिसवास करबेवारन हां तरन तारन देबे।

- पैली कुरिन्थियों 15:2

ओई से तुमाओ तरन तारन सोई होत आय, जदि ऊ भले सन्देसे को जौन मैंने तुम हां सुनाओ हतो सुमरन करत आव; नईं तो तुमाओ बिसवास करबो अकारथ भओ।

- पैली कुरिन्थियों 2:14

परन्त सारीरिक मान्स परमेसुर की आत्मा की बातें नईं अपनात, कायसे बे बातें ऊ की समझ सें मूरखता की बातें आंय, और बो उन हां समज नईं सकत कायसे उनकी परख आत्मिक रूप से होत आय।

- पैली कुरिन्थियों 2:2

कायसे कि मैंने पक्को ठान लओ हतो, कि तुमाए मजारें यीशु मसीह, जाने कि क्रूस पे टांगे गए मसीह हां छोड़ और कोऊ बात हां न जानों।

- पैली कुरिन्थियों 3:19

कायसे ई संसार कौ ज्ञान परमेसुर के सामूं मूरखपन आय, जैसो लिखो आय; कि बो ज्ञानियन हां उनईं की चतुराई में फंसा देत आय।

- पैली कुरिन्थियों 4:10

हम मसीह के लाने मूरख आंय; परन्त तुम ज्ञानवान आव: हम कमजोर आंय और तुम बली आव: तुमहां मान दओ जात आय, और हम हां ओछो लेखो जात आय।

- दूसरी कुरिन्थियों 10:4

कायसे हमाई लड़ाई के हथयार सारीरिक नईंयां, अकेले गढ़ी गिरा देबेवारे परमेसुर के बल से भरे आंय।

- दूसरी कुरिन्थियों 4:3

अकेले हमाए परचार पै कछु परदा डलो आय, तो बो जौन नरक कुण्ड जाबेवारे आंय उन के लाने मानो डलो आय।

- 1 थिस्सलुनीकियों 1:5

कायसे जब हम ने तुम हां बचन सुनाओ तो बो पवित्तर आत्मा के जोर में और पक्के बिसवास से हतो, और तुम हां पता आय कि हम कैसे तुमाए बीच रए।

- 2 थिस्सलुनीकियों 2:10

और सब परकार के अधरम के संग्गै सब तरहां की धोखाबाजी से हुईये; कायसे उन ने सांची बातन और प्रेम हां नई मानो कि उनको तरन तारन हो जातो।

- इब्रानियों 12:2

और हम अपनी नजर हां यीशु मसीह पै लगाबें; जौन हमें आगे लै चलत आय, जिन ने क्रूस पै चढ़ाए जाबे की निन्दा सई; और आज मजे से अपने बाप के संग्गै सरग में सिंहासन पै बिराजे आंय।

- इब्रानियों 4:12

कायसे परमेसुर के बचन जीयत, और बली आंय, जैसी दोई तरपेवारी तलवार, उनके बचन से आत्मा और जीव, और एक एक गांठ हां तोड़त आय, जब लौ हिये में का आय जौ न जान लैबे।