- पैलो इतिहास 28:9 - Bundeli Holy Bible

⁹ “हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- पैलो इतिहास 28:9 ပူးပေါင်းရင်းမြစ်များ

- उत्पत्ति 28:13

यहोवा परमेसुर ऊके ऊपर ठांड़ो होकें कैत आय, “मैं यहोवा परमेसुर, तोरे दादा अब्राहम कौ परमेसुर, और इसहाक कौ भी परमेसुर आंव; जो जमीन पै तें लेटो आय, ऊहों मैं तोए हों और तोरे बंस हों दैहों।

- उत्पत्ति 6:5

यहोवा परमेसुर ने हेरो कि मान्‍सन की बुराई पृथ्‍वी पै बढ़ गई आय, और उनके मन के बिचार में जो कछु पैदा होत आय ऊ लगातार बुरोई होत आय।

- उत्पत्ति 8:21

ईपै यहोवा परमेसुर ने सुख दैबेवारी सुगन्‍ध पाकें सोचो, “कि मान्‍स के कारन मैं फिन कभऊं धरती हों स्राप नें दैहों, जबकि मान्‍स के मन में बचपन सें जो कछु पैदा होत आय ऊ बुरओ ही होत आय; तब भी जैसो मैंने सबरे जीवों हों अब मारो आय, बैसो उनहों फिन कभऊं नें मारहों।

- पैलो इतिहास 22:19

अब तन-मन सें अपने यहोवा परमेसुर के लिगां जाए करियो, और हिया लगाकें यहोवा परमेसुर की पवित्तर जागां बनाईयो, कि तुम यहोवा परमेसुर की बाचा कौ संदूक और यहोवा परमेसुर के पवित्तर बासन ऊ भवन में लाओ जौन यहोवा परमेसुर के नाओं कौ बनबेवारो आय।”

- पैलो इतिहास 28:8

ई लाने अब इस्राएल के हेरत मतलब यहोवा परमेसुर की मण्‍डली के हेरत, और अपने यहोवा परमेसुर के सामूं अपने यहोवा परमेसुर के सबरे हुकम हों मानो और उन पै ध्‍यान करत रओ; जीसें तुम ई अच्‍छे देस के अधकारी बने रओ, और ईहों अपने बाद अपने बंस कौ हमेसा कौ हींसा होबे के लाने छोड़ जाओ।”

- पैलो इतिहास 29:9

तब परजा के मान्‍स खुस भए, कायसे हाकमों ने खुस होके साफ हिया और अपनी अपनी मरजी सें यहोवा परमेसुर के लाने भेंट दई हती; और दाऊद राजा बिलात खुस भओ।

- यूहन्‍ना 1:47

यीशु ने नतनएल हां अपनी कोद आत हेर के ऊके बारे में कई, तको, सही में एक इस्राएली आय: जी में कोऊ छल नईंयां।

- यूहन्‍ना 17:3

और अनन्त जीवन जौ आय, कि बे तोय जौन एकई सांचो परमेसुर और यीशु मसीह हां जानें, जीहां तेंने पठैव आय।

- यूहन्‍ना 2:25

ई लाने ऊहां ई बात की जरूरत नईं हती, कि कोऊ जनो, कोऊ मान्स के बारे में गवाही देबे, कायसे बो खुद जानत हतो, कि मान्स के मन में का आय।

- यूहन्‍ना 21:17

यीशु ने पतरस से तीसरी बेर कई, हे शमौन यूहन्ना के पूत, का तें मोय से प्यार करत आय? पतरस उदास भओ, कायसे यीशु ने तीसरी बेर ऐसी कई; कि का तें मोसे प्यार करत आय? और पतरस ने कई, हे प्रभु, तें सब कछु जानत आय, कि मैं तोसे प्यार करत आंव: यीशु ने ऊसे कई, तें मोरी गाड़रन चरा।

- यूहन्‍ना 4:24

परमेसुर आत्मा आय, और जरूरी आय कि ऊके भक्त आत्मा और सच्चाई से ऊ की प्रार्थना करें।

- यूहन्‍ना 8:55

तुम ने तो ऊहां नईं चीनो, परन्त मैं ऊहां चीनत आंव; अगर मैं कहों कि मैं ऊहां नईं चीनत, तो मैं तुमाए घांई झूठो ठहर हों: परन्त मैं ऊहां चीनत और ऊके बचन को मानत आंव।

- प्रेरितन के काम 1:24

और जौ क ह के बिन्तवाई करी; कि हे पिरभु, तें जो सबन के हिये जानत आय, जौ उजागर कर कि इन दोईयन में से तेंने कीहां नबेरो आय।

- प्रेरितन के काम 17:23

कायसे जब मैं घूमत फिरत तुमाए पूजबे की चीजन को हेर रओ हतो, तो मोहां एक वेदी मिली, जीपे लिखो हतो, “अनजाने ईश्वर के लाने”। ई लाने जीहां तुम बिना जाने पूजत आव, ओई कौ सन्देसो मैं तुम हां सुनात आंव।

- प्रेरितन के काम 17:30

ई लाने मूरखता की बातन हां छोड़, परमेसुर अब हर जांगा सबरे मान्सन हां हुकम देत आय, की मन फिराबें।

- पैली कुरिन्थियों 15:34

धरम के लाने जाग उठो और पाप न करो; कायसे कि कितेक ऐसे आंय जौन परमेसुर को नईं जानत, मैं तुम हां लजाबे हां जौ कैत आंव।

- दूसरी कुरिन्थियों 4:6

कायसे परमेसुर ने कई, कि अंधियारे में जोत होबे; और ओई जोत हमाए हिये में चमकी, कि परमेसुर की जोत यीशु मसीह के मों पे हो चिमचिमानी।

- दूसरी कुरिन्थियों 8:12

कायसे मन से दान दओ जाबे तो बो ग्रहण होत आय, जौन उन लौ आय अकेले ऊसे जौन उन लौ नईंयां।

- दूसरी कुरिन्थियों 9:7

हर एक जनें जैसो मन में ठानें ऊं सई दान करे; कुड़कुड़ा के नईं, और दबाओ से नईं, कायसे परमेसुर खुले मन से देबेवारे से प्रेम करत आय।

- इब्रानियों 12:28

सो हम परमेसुर की जय मानें, कि हम हां ऐसो राज मिलो जौन हल नईं सकत, उनके राज में हम उनको गुनगान करें, और उन हां मान देबें जीसे बे खुस रैबें।

- इब्रानियों 4:13

कछु भी परमेसुर से लुको छिपो नईंयां बे सब जानत आंय, और उनकी आंखन से कछु नईं बरको आय।

- 1 पतरस 5:2

परमेसुर के ऊ झुण्ड की, जौन तुमाए मजारें आंय रखनवारी करो; जौ काम दबाव से नईं, परन्त परमेसुर की मनसा अनसार खुसी से, और ओछी कमाई के लाने नईं, पर मन लगा के करो।

- यूहन्‍ना के दरसन कौ खुलासा 2:23

जौन ऊ की बातें मानत आय उन हां सोई मार हों, कि मण्डली के जनें जौ जान लें हैं कि मान्सन के मन की बात मोहां पता आय। मैं तुम सब के करमन कौ बदला तुम हां दैहों।