- पैलो इतिहास 22:19 - Bundeli Holy Bible

¹⁹ अब तन-मन सें अपने यहोवा परमेसुर के लिगां जाए करियो, और हिया लगाकें यहोवा परमेसुर की पवित्तर जागां बनाईयो, कि तुम यहोवा परमेसुर की बाचा कौ संदूक और यहोवा परमेसुर के पवित्तर बासन ऊ भवन में लाओ जौन यहोवा परमेसुर के नाओं कौ बनबेवारो आय।”

- पैलो इतिहास 22:19 ပူးပေါင်းရင်းမြစ်များ

- पैलो इतिहास 16:10

ऊके पवित्तर नाओं पै घमण्‍ड करो, यहोवा परमेसुर के ढूंढ़बेवारन कौ हिया आनन्‍दित होए।

- पैलो इतिहास 16:11

यहोवा परमेसुर और ऊकी सामर्थ्‍य की खोज करौ; ऊके दरसन के लाने लगातार खोज करो।

- पैलो इतिहास 22:16

सोना, चांदी, पीतल और लोहे पै काम करबेवारो की तौ कछु गिनती नईंयां, सो तें ऊ काम में लग जा। यहोवा परमेसुर तोरे संगै रए।”

- पैलो इतिहास 22:7

दाऊद ने अपने मोंड़ा सुलैमान सें कई, “मोरी मनसा तौ हती कि अपने यहोवा परमेसुर के नाओं कौ एक भवन बनाओं।

- पैलो इतिहास 28:9

“हे मोरे मोंड़ा सुलैमान! तें अपने बाप के यहोवा परमेसुर कौ ध्‍यान रख, और खरे हिया और खुसी सें ऊकी सेवा करत रै; कायसे यहोवा परमेसुर हिया हों जांचत और बिचार में जो कछु पैदा होत आय ऊहों समझत आय। जदि तें ऊकी खोज में रए, तौ ऊ तोहों मिलहै; परन्‍त तें ऊहों छोड़ दैहै तौ ऊ हमेसा के लाने तोहों छोड़ दैहै।

- प्रेरितन के काम 11:23

ऊ ने उते पोंच के, परमेसुर के अनुग्रह हां हेरो तो बो खुस भओ; और उन सबई हां हिम्मत देन लगो कि बे पूरे मन से प्रभु के भरोसे में बने रएं।

- प्रेरितन के काम 22:16

अब कायहां अबेर करत आय? उठ बपतिस्मा ले, और ऊ को नाओं लैके अपने पापन हां धो डाल।