- पैलो इतिहास 12:17 - Bundeli Holy Bible

¹⁷ उनसें मिलबे हों दाऊद कड़ो और उनसें कई, “जदि तुम मोरे लिगां मित्रभाव सें मदद करबे हों आए आव, तब तौ मोरे हिया तुम में लगो रैहै; परन्‍त जौन तुम मोहों धोखा दैकें मोरे बैरियन के हाथ पकड़वाबे आए आव, तौ हमाए स्‍यानों कौ यहोवा परमेसुर ईपै हेरकें डांटे, कायसे मोरे हाथ सें कौनऊं उपद्रौ नईं भओ।”

- पैलो इतिहास 12:17 ပူးပေါင်းရင်းမြစ်များ

- उत्पत्ति 31:42

मोरे बाप कौ यहोवा परमेसुर, मतलब अब्राहम कौ परमेसुर, जीकौ भय इसहाक भी मानत आय, जदि मोरी कुदाऊं नें होतो तौ पक्‍कौ तें अब मोहों छूंछे हाथ जान देत। मोरे दुख और मोरे हाथों की मैनत हेरकें यहोवा परमेसुर ने बीती रात में तोहों डांटो।”

- उत्पत्ति 31:53

अब्राहम, नाहोर और उनके बाप; तीनईं कौ जो यहोवा परमेसुर आय, ओई हम दोई के मजारें न्‍याय करे।” तब याकूब ने ऊकी कौल खाई जीकौ भय ऊकौ बाप इसहाक मानत हतो;

- पैलो इतिहास 12:16

कई एक बिन्‍यामीनी और यहूदा के मान्सन भी दाऊद के लिगां गढ़ में आए।

- पैलो इतिहास 12:18

तब आत्‍मा अमासै में समाओ, जौन तीसों बीरों में परधान हतो, और ऊने कई, “हे दाऊद! हम तोरे आंय; हे यिशै के मोंड़ा! हम तोरी कुदाईं के आंय, तोरो कुसल ही कुसल होए और तोरे सहायकों कौ कुसल होए, कायसे तोरो यहोवा परमेसुर तोरी मदद करत रैत आए।” ई लाने दाऊद ने उनहों अपना लओ, और अपने दल के मुखिया ठैरा दए।

- प्रेरितन के काम 4:32

बिसवास करबेवारन की मण्डली एक चित और एक हिए की हती, इते लौ कि कौनऊं अपनी जादाद अपनी न कैत हतो, पर सब कछु साझे कौ हतो।

- पैली कुरिन्थियों 1:10

हे भईया हरौ, यीशु मसीह जौन हमाओ पिरभु आय उनईं के नाओं से मैं तुम से बिन्तवाई करत आंव, कि तुम सबई एकई बात कओ; और तुम में फूट न होबे, परन्त तुम एकई हिये और एकई विचार के बने रओ।

- दूसरी कुरिन्थियों 13:11

सो भईया हरौ, सुखी रओ; पक्के होत जाओ; हिम्मत राखौ; एक मन राखौ; जुड़के रओ, और प्रेम और सान्ति को दैबेवारो परमेसुर तुमाए संग्गै होबै।

- फिलिप्पियों 1:27

इत्तो करौ कि तुमाओ जीवन सुसमाचार की बातन जैसो होबै, और चाहे मैं आओं और न आओं मोहां पता चलै, कि तुम एकई मन के बने आव और एक होकें पिरभू की बात दूसरन लौ बताबे में लगे रैत आव।

- 1 पतरस 2:23

बो गाली सुन के गाली न देत हतो, और पीड़ा झेल के कोऊहां सोई धौंस न देत हतो, पर अपने आप हां सांचे न्यायी के हाथ में सौंपत हतो।

- यहूदा 1:9

जब महाबली सरगदूत मीकाईल ने, शैतान छलिया से मूसा की मरी देह के लाने पूछो, तो ऊहां कछु बुरओ न कहो, परन्त जा कई कि परमेसुर तोहां डांटे।