Santiago 4:9 - Kagi Ka Manama

⁹ Rákkád kó, asta ranu kó, asta sággó kó tingód katô salà na iglumu yu. Yakó ágngisi asta ágkadayawan katô salà yu, asal sággó kó asta ranu kó kani.

Santiago 4:9 ပူးပေါင်းရင်းမြစ်များ

Mateo 5:4

“Kadayawan tô mga manubù na ágkaranu, su órórán dan ka Manama.

Lucas 6:25

“Makédu-édu kó na ibássug áknganni, su dumunggù tô álló na ballusán kó. “Makédu-édu kó na ágngisi áknganni, su dumunggù tô álló na rumanu asta sumággó kó.

Lucas 16:25

“Asal igkagi si Abraham kandin, na mà din, ‘Sampát nu ni. Tô ándà ka pa kamaté, madigár tô itanggap nu, asta madat tô itanggap i Lazaro. Asal áknganni, sikandin tô ágkadayawan dini, asta sikuna tô ágkahirapan.

Lucas 6:21

“Kadayawan kó na mga ágpamballusán áknganni, su imássugán kó. “Kadayawan kó na mga ágsággó áknganni, su ngumisi kó.

Mateo 21:41

Igtaba sikandan, na mà dan, “Ándà kédu din katô madat mga manubù, asal matayan din sikandan, asta padóppónan din katô ássa mga manubù na mággé ka bahin tun kandin ámmé-ámmé.”