Santiago 2:23 - Kagi Ka Manama

²³ Ituman tô igpasulat katô Manama sayyan, na mà din, “Igpamaké si Abraham katô Manama. Purisu igtanggap ka Manama sikandin na nángngà tun ta saruwan din.” Tô gó tô gunayan na ágtawarán sikandin na rarak ka Manama.

Santiago 2:23 ပူးပေါင်းရင်းမြစ်များ

Genesis 15:6

Igpamaké si Abram katô Áglangngagán, asta igtanggap din si Abram na nángngà tun ta saruwan din.

Galacia 3:6

Magunawa ki Abraham, su “Igpamaké sikandin katô Manama. Purisu igtanggap ka Manama sikandin na nángngà tun ta saruwan din.”

Roma 11:2

Ándà tayyugi ka Manama tô mga Judio na taganà din igsalin sayyan. Panámdám yu tô igsulat tun ta kagi ka Manama tingód katô propeta sayyan na si Elias. Tô igdasal sikandin tun ta Manama, igulit sikandin tingód katô madat na iglumu katô mga Judio, na mà din,

Galacia 3:22

Asal igsulat tun ta kagi ka Manama na inallang ka salà tô langun manubù. Purisu tô mga mamaké ki Jesu-Cristo tô makatanggap katô igtandô ka Manama tun ta mga manubù na mamaké.

Roma 9:17

Panámdám kó tingód katô igkagi ka Manama tun ta harì ka Ehipto sayyan, na mà din, “Ándà ku sikuna matayi ébô kitanán yu tô katulusan ku, asta ébô mabantugga tun ta kaluwagan ka banuwa.”

Lucas 4:21

Igtigkané si Jesus igkagi, na mà din, “Ni álló ni, ituman dán tô kagi ka Manama na igbasa ku asta igdinág yu.”

Marcos 15:27

Madani tun ki Jesus, duwán duwa tulisan na igpansalan tun ta duwa krus, tô sábbad dadan tun ta ibang din asta tô sábbad dadan tun ta kawanan din.

Marcos 12:10

Igkagi si Jesus, na mà din, “Iring na ándà kó gó basa kani kagi ka Manama, na mà din, “‘Duwán sábbad batu na igantug katô mga gimu ka balé, su kéman dan ka ándà ágpulusán. Asal ándà dan kasóddóri na tô gó tô batu na tuu ágkailanganán katô balé.

1 Pedro 2:6

Mà katô kagi ka Manama na igsulat sayyan, “Paminág kó kanak. Duwán sánnarán ku tun ta lunsud na ágngadanan Sion. Iring sikandin na batu na imun pónsadanan, su igsalin ku asta dakál é lagà. Asta tô mamaké kandin dì gó kayyaan.”

2 Timoteo 3:16

Tô langun na igsulat tun ta kagi ka Manama igpasulat gó katô Manama, asta duwán ágpulusán kani para patinurù, para pagsapad, para pagtullid, asta para pagpasóddór tingód ka pagtanggap ka Manama na nángngà tun ta saruwan din.

Lumu 1:16

asta igkagi sikandin, na mà din, “Mga kataladi na Judio, igpasulat katô Ugis Espiritu ki David sayyan tingód ki Judas na igpid katô mga manubù na igámmát ki Jesus. Ituman dán ni su kailangan matuman tô kagi ka Manama.

Santiago 2:24

Purisu isóddóran ta na tanggapán ka Manama tô manubù na nángngà tun ta saruwan din ukit katô áglumun din, asta ánnà dád ukit katô kapamaké din.