Santiago 1:10 - Kagi Ka Manama

¹⁰ Asta tô kataladi na ágkaduwánnan kailangan kadayawan su igpabbabà ka Manama sikandin, su duwán ágtamanán katô kantayan asta kaduwánnan din, iring katô mga bulak ka sigbát.

Santiago 1:10 ပူးပေါင်းရင်းမြစ်များ

1 Pedro 1:24

Su mà katô kagi ka Manama na igsulat, “Tô langun manubù iring na sigbát, asta tô kadigárran ka bónnóng katô manubù iring na bulak ka sigbát, su tô sigbát ágkalanás, asta tô bulak ágkómpad.

1 Juan 2:17

Duwán ágtamanán katô mga manubù na dì ágpamaké asta katô madat mga ágkadigárran dan nit banuwa, asal tô ágtuman katô kakalyag ka Manama manté sippang ka ándà ágtamanán.

1 Timoteo 6:17

Kagiyi nu tô mga ágkaduwánnan na kailangan dì dan ágpallayat-layat, asta dì dan sumarig katô kaduwánnan dan, su dì kasóddóran ka kadángngan mandà. Asal Manama dád tô kailangan sarigan dan, su sikandin tô ágbággé katô tuu dakál ágkailanganán ta ébô duwán dayó ta.

Mateo 5:3

“Kadayawan tô mga manubù na isóddóran dan na atin ka dì dan tabangan ka Manama, dì dan makému ka madigár. Kadayawan dan su mangulu tô Manama kandan.

1 Corinto 7:31

Tô mga manubù na ággamit katô mga impán nit banuwa, dì mému ka mawiid dan kani, su dì madugé mandà ni banuwa asta tô langun kani.

Santiago 4:14

Asal ándà yu kasóddóri ka ándin tô makadunggù ákniyu simag, su tô kantayan ta iring katô áddup na sékót dád ágkandà.

Mateo 6:30

Délák tô kasarig yu ka Manama. Igimu din na madigár ágsállággán tô mga bulak ka kabánnássan na dì madugé góbbón. Purisu kasóddóran yu na bággayan kó ka Manama ka gumpakán yu.

Filipos 3:8

Isóddóran kud gó na ándà palang ágpulusán katô langun ka tandingán katô kapasábbad ku ki Jesu-Cristo na Áglangngagán ku. Iring dád na ussu tô langun igsarigan ku dángngan. Purisu igtananan kud tô langun ébô pasábbadda tun ki Cristo,