Roma 9:17 - Kagi Ka Manama

¹⁷ Panámdám kó tingód katô igkagi ka Manama tun ta harì ka Ehipto sayyan, na mà din, “Ándà ku sikuna matayi ébô kitanán yu tô katulusan ku, asta ébô mabantugga tun ta kaluwagan ka banuwa.”

Roma 9:17 ပူးပေါင်းရင်းမြစ်များ

Exodo 9:16

Asal ándà ku sikiyu matayi ébô kitanán yu tô katulusan ku, asta ébô pabantugánna ikiyu tun ta kaluwagan ka banuwa.

Juan 17:26

Igpasóddór ku sikandan tingód áknikó, asta duwán pa pasóddórán ku kandan tingód áknikó, su kakalyag ku na paginawaé dan iring katô kaginawa nu kanak, asta sakán tô diyan kandan.”

Galacia 3:22

Asal igsulat tun ta kagi ka Manama na inallang ka salà tô langun manubù. Purisu tô mga mamaké ki Jesu-Cristo tô makatanggap katô igtandô ka Manama tun ta mga manubù na mamaké.

Galacia 4:30

Asal ni gó tô kagi ka Manama na igsulat, “Péwà nu tô állang asta tô batà din, su dì mému ka kabággayan tô batà ka állang katô tángngà katô kaduwánnan nu ka maté ka, su bággén tô langun tun ta batà ka sawa nu na ánnà állang.”

Galacia 3:8

Sayyan duwán igsulat tun ta kagi ka Manama na duwán mga ánnà Judio na tanggapán din na nángngà tun ta saruwan din ukit katô kapamaké dan kandin. Ni gó tô Madigár Gulitán na igulit ka Manama ki Abraham, na mà din, “Ukit áknikó, madigár tô bággén ku tun ta langun manubù nit banuwa.”

Roma 11:4

Yakó yu ágkalingawi ni igtaba katô Manama kandin, na mà din, “Ágtómmóngan ku tô pittu mararan (7,000) mga gamama na ándà pangadap katô ágmanaman na ágngadanan Baal.”