Mateo 7:24 - Kagi Ka Manama

²⁴ “Tô manubù na ágpaminág asta ágtuman kani mga ágkagin ku, iring sikandin katô mapandé manubù na igimu ka balé, asta igpatindág din tun ta bówwó ka batu.

Mateo 7:24 ပူးပေါင်းရင်းမြစ်များ

Juan 13:17

Atin ka kagpáttan yu tô igtinurù ku ákniyu, kadayawan kó ka tumanán yu.

Lucas 11:28

Asal igtaba si Jesus, na mà din, “Asal duwán dayó katô langun manubù na ágpaminág asta ágtuman katô kagi ka Manama!”

1 Juan 2:3

Ukit katô pagtuman ta katô mga sugù ka Manama, kasóddóran ta na bánnal igpasábbad kid tun kandin.

Juan 14:15

“Na, atin ka ágginawaanna ikiyu, tumanán yu tô mga sugù ku ákniyu.

Juan 15:14

Atin ka tumuman kó katô mga sugù ku ákniyu, mga rarak ku sikiyu.

Juan 15:10

Atin ka ágtuman kó katô mga sugù ku ákniyu, móddô kó tun ta ginawa ku, iring kanak na igtuman katô mga sugù katô Ámmà ku, asta góddô a tun ta ginawa din.

Mateo 12:50

Tô mga manubù na ágbánnal ka kagi katô Ámmà ku tun ta langit, sikandan tô mému na innà ku asta mga kataladi ku na gamama asta gabayi.”

Mateo 7:25

Tô igudan, igbahà tô wayig asta idungguan tô balé din. Igdunggù tô mabákkár karamag, asal ándà kapilé tô balé din, su igpatindág tun ta bówwó ka batu.

Mateo 7:26

“Na, tô manubù na ágpaminág kani mga ágtinuruán ku asal dì ágtuman, iring sikandin katô ágkatuluan manubù na igimu ka balé din tun ta bówwó ka baklayan.

Mateo 16:18

Purisu kagin ku áknikó, sikuna si Pedro, asta ni gó tô batu na patindággan ku katô mga ágpampamaké. Dì dan talun ka katulusan ka kamatayan.

Mateo 24:45

“Tô állang na ágkasarigan asta katig, tô gó é imun katô amo din na tarapid ka langun ka duma mga állang tun ta balé din ébô mággé kandan ka ágkannán kada álló.

Mateo 25:2

Lima tô mga daraga na mapandé, asta lima tô mga daraga na ágkatuluan.

Mateo 25:4

Asal tô lima mga daraga na mapandé igpid katô sulù asta langis na dalámmán dan puman.

Mateo 25:9

Asal igkagi tô lima mga daraga na mapandé, ‘Dì ké mággé agó dì makanángngà ni langis na igpid dé. Madigár pa ka madun kó tun ta tindaan ébô málli kó.’

Roma 2:13

Nángngà tô supak ka Manama kandan su ánnà tô mga manubù na ikasóddór dád katô mga sugù tô tanggapán ka Manama na nángngà tun ta saruwan din. Asal tô mga manubù na inalayun ágtuman katô langun sugù tô tanggapán ka Manama na nángngà tun ta saruwan din.