Yakó ágkalingó na kailangan madigár tô áglumun yu, asta kailangan tumabang kó katô mga kadumaan yu na ágkahirapan, su atin ka tô gó é áglumun yu para katô Manama, kadayawan sikandin.
Kailangan tumanán yu ni kagi ka Manama na igsulat, na mà din, “Atin ka ágballusán tô manubù na gusig ákniyu, pakan yu sikandin. Atin ka ágkatákkangan, pénám yu, su ukit ka tabang yu kandin, tuu kayyaan sikandin.”
Na, tô manubù na bánnal asta matullid tô kapangadap din tun ta saruwan ka Manama na Ámmà ta, tô gó tô ágtabang katô mga minélu asta katô mga balu tun ta kahirapan dan, asta tô dì ágkapid katô madat áglumun katô mga manubù nit banuwa.
