Mateo 4:21 - Kagi Ka Manama

²¹ Igpanayun si Jesus igpanó, asta igkita din tô ássa mataladi gamama na si Santiago asta si Juan na duwa gabatà i Sebedeo. Tun dan ta barangé asta tô ámmà dan, su ágpiyà dan ka mga pukut. Igtawar dan i Jesus.

Mateo 4:21 ပူးပေါင်းရင်းမြစ်များ

Marcos 3:17

tô duwa gabatà i Sebedeo na si Santiago asta si Juan na ágngadanan i Jesus ki Boanerges. (Tô kóbadan, “dì mataló.”)

Mateo 10:2

Ni gó tô mga ngadan katô sapulù duwa (12) apostoles, si Simon na ágngadanan i Jesus ki Pedro, tô kataladi i Pedro na si Andres, tô duwa gabatà i Sebedeo na si Santiago asta si Juan,

Lumu 12:2

Igpamatayan din si Santiago na kaké i Juan ukit ka kampilan.

Juan 21:2

Ilimud tô mga disipulu i Jesus. Ni gó sikandan, si Simon Pedro, si Tomas na ágngadanan pagsik Dáppi, si Natanael na taga Cana na sakup ka probinsya ka Galilea, tô duwa gabatà i Sebedeo, asta duwán duwa ássa disipulu i Jesus.

Marcos 5:37

Ándà ássa manubù na igpatákkás i Jesus tun ta balé, asal si Pedro dád, si Santiago, asta tô adi i Santiago na si Juan.

Mateo 26:37

Igpatákkás din si Pedro asta tô duwa gabatà i Sebedeo. Tuu iranu si Jesus, asta mabággat tô pusung din.

Mateo 17:1

Na, pángnga ka ánnám álló, igpatákkás i Jesus si Pedro, si Santiago, asta si Juan na adi i Santiago. Igtikáddág dan tun ta mallayat pabungan na ándà palang manubù.

Mateo 4:20

Tigkô dan igtananan tô mga pukut, asta igtákkás dan ki Jesus.

Mateo 4:22

Tigkô dan igtananan tô barangé asta tô ámmà dan, asta igtákkás dan ki Jesus.