Mateo 26:74 - Kagi Ka Manama

⁷⁴ Asal igsapà gó si Pedro, na mà din, “Agad matéya pa, ándà ku gó kilalayi tô manubù tô.” Tigkô dád igukkarà tô manuk.

Mateo 26:74 ပူးပေါင်းရင်းမြစ်များ

Igpakita 3:19

Tô mga ágginawaan ku, tô gó tô ágsapadan ku asta ágdisiplinan ku. Purisu rákkád kó, asta piyai yu tô ágkémun yu.

1 Corinto 16:22

Supakan gó tô langun na ándà ginawa tun ta Áglangngagán. Áglangngagán dé, lónód kad!

Juan 18:27

Igbulun puman si Pedro, asta tigkô dád igukkarà tô manuk.

Mateo 10:28

Yakó ágkamáddangan katô mga manubù na makamaté katô lawa yu, su dì dan kamatayan tô gimukud yu. Asal kamáddangi yu baling tô Manama, su sikandin tô mému ágpasadun katô gimukud asta lawa ka manubù tun ta ágsupakanan.

Roma 9:3

Atin ka mému katabangan tô mga kataladi ku na Judio ukit katô supak ka Manama kanak asta padiyaánna ikandin tikud tun ki Cristo, mému kanak ébô matábbus dan.

Lucas 22:60

Asal igkagi si Pedro, na mà din, “Sir, ándà sóddór ku tingód katô ágkagin nu.” Na, róggun igkagi si Pedro, tigkô igukkarà tô manuk.

Marcos 14:68

Asal igbulun si Pedro, na mà din, “Ándà ku kagpátti. Ándà sóddór ku tingód katô igkagi nu.” Na, igalin si Pedro madani tun ta sállat [asta igukkarà tô manuk].

Marcos 14:30

Igkagi si Jesus, na mà din, “Paminág nu ni kagin ku áknikó. Kani ka dukilám ka dì pa makaduwa tô manuk mukkarà, makatállu ka mulun kanak.”

Mateo 27:25

Igkagi tô langun manubù, na mà dan, “Mému supakan ké katô Manama asta tô mga rubbad dé tingód katô kamatayan din!”

Mateo 26:34

Igkagi si Jesus, na mà din, “Paminág nu ni kagin ku áknikó. Kani ka dukilám ka dì pa mukkarà tô manuk, makatállu ka mulun kanak.”

Mateo 26:73

Ándà kadugé, duwán puman mga manubù na igpadani tun ki Pedro, asta igkagi sikandan, na mà dan, “Bánnal gó sikuna tô sábbad kadumaan i Jesus, su ágkilalan na iring kandin tô kakagi nu.”

Mateo 26:75

Purisu isampáttan i Pedro tô taganà igkagi i Jesus na mulun sikandin ki Jesus ka makatállu ka dì pa mukkarà tô manuk. Na, igluwà si Pedro, asta tuu gó igsággó.