Mateo 25:2 - Kagi Ka Manama

² Lima tô mga daraga na mapandé, asta lima tô mga daraga na ágkatuluan.

Mateo 25:2 ပူးပေါင်းရင်းမြစ်များ

Judas 1:5

Na, isóddóran yu ni, asal kakalyag ku na pasampáttán ku ákniyu na agad igpaluwà ka Manama tô mga rubbad i Israel tikud tun ta Ehipto, asal pángnga katô, igmatayan din tô mga manubù na ándà bánnal kandin.

1 Juan 2:19

Agad ni mga usig ta igtanan áknita dángngan, asal ánnà dan bánnal mga kadumaan ta. Atin ka bánnal dan na mga kadumaan ta, igpanayun dan pád igduma áknita. Asal igtanan dan ébô kasóddóran ta na ánnà dan bánnal mga kadumaan ta.

Mateo 24:45

“Tô állang na ágkasarigan asta katig, tô gó é imun katô amo din na tarapid ka langun ka duma mga állang tun ta balé din ébô mággé kandan ka ágkannán kada álló.

Mateo 10:16

“Na, tun ta pasadunan ku ákniyu, banté kó katô madat mga manubù, su iring kó na mga karnero na ágbanganan katô mannanap ka kabánnássan na ágngadanan lobo. Purisu kailangan tuu kó mapandé, asta kailangan ándà palang madat lumun yu.

Mateo 25:3

Tô lima mga daraga na ágkatuluan igpid ka sulù, asal ándà langis na igpid dan ébô dalámmán dan tun ta sulù ka kémmáttan dan.

Mateo 25:4

Asal tô lima mga daraga na mapandé igpid katô sulù asta langis na dalámmán dan puman.

Mateo 25:9

Asal igkagi tô lima mga daraga na mapandé, ‘Dì ké mággé agó dì makanángngà ni langis na igpid dé. Madigár pa ka madun kó tun ta tindaan ébô málli kó.’