Mateo 20:22 - Kagi Ka Manama

²² Asal igkagi si Jesus, na mà din, “Ándà yu kasóddóri ka ándin tô igpamuyù yu. Makatiis kó katô kahirapan iring katô kahirapan na masig dán dumunggù kanak?” Igtaba sikandan, na mà dan, “Óó, makatiis ké.”

Mateo 20:22 ပူးပေါင်းရင်းမြစ်များ

Lucas 22:42

“Ámmà, atin ka mému áknikó, yaka ágpókit kanak tun ta kahirapan na masig dán dumunggù. Asal tuman nu tô áknikó kakalyag, ánnà tô kanak kakalyag.”

Mateo 26:42

Igpanó puman si Jesus tun tóna, asta igdasal sikandin, na mà din, “Ámmà, atin ka kailangan mukitta tun ta kahirapan na masig dán dumunggù, kakalyag ku na tô áknikó kakalyag é matuman.”

Juan 18:11

Igsapad si Jesus ki Pedro, na mà din, “Ulì nu yan kampilan tun ta rumà, su kailangan tanggapán ku tô kahirapan na igbággé katô Ámmà ku kanak.”

Marcos 14:36

Igdasal sikandin, na mà din, “Ámmà, malumu nu tô langun. Yaka ágpókit kanak tun ta kahirapan na masig dán dumunggù. Asal tuman nu tô áknikó kakalyag, ánnà tô kanak kakalyag.”

Mateo 26:39

Na, igpanayun si Jesus tun tóna na dì madiyù, iglangkáb sikandin, asta igdasal, na mà din, “Ámmà, atin ka mému áknikó, yaka ágpókit kanak tun ta kahirapan na masig dán dumunggù. Asal tuman nu tô áknikó kakalyag, ánnà tô kanak kakalyag.”

Roma 8:26

Tingód katô kalómétan ta, ágtabangan ki katô Ugis Espiritu. Atin ka dumasal ki, dì ki pakasóddór ka ándin tô nángngà pamuyuán ta tun ta Manama. Asal ágpédu-édu tô Ugis Espiritu para áknita tákkás ka arangán din na dì ágkabólós,

Santiago 4:3

Agad ágpamuyù kó tun ta Manama, dì yu ágkatanggap su ánnà nángngà tô ágdantulán yu, su tô ágpamuyuán yu gamitán yu dád para katô ákniyu sarili dayó.

Lucas 12:50

Duwán kahirapan na dumunggù kanak, asta diya gó makatónnók sippang ka matuman ni!

Mateo 26:56

Asal inému ni langun ébô matuman tô kagi ka Manama na igsulat katô mga propeta din sayyan tingód kanak.” Na, tô langun disipulu i Jesus igtanan kandin, asta igpalaguy dan.

Mateo 26:35

Igkagi si Pedro, na mà din, “Agad matayanna duma áknikó, asal diya mulun áknikó.” Magunawa tô igkagi katô langun disipulu.