Mateo 11:30 - Kagi Ka Manama

³⁰ Madigár tô papiddán ku ákniyu, asta magan tô patiangán ku ákniyu.”

Mateo 11:30 ပူးပေါင်းရင်းမြစ်များ

1 Juan 5:3

Atin ka ágginawa ki katô Manama, ágtumanán ta tô mga sugù din, asta dì mahirap tô pagtuman ta katô mga sugù din.

Juan 16:33

Igkagiya ákniyu kani ébô duwán kasunayan yu tingód katô kapasakup yu kanak. Irrayatan kó nit banuwa, asal kailangan kadayawan kó, su igtalu kud tô langun madat nit banuwa.”

Filipos 4:13

Agad ándin tô dumunggù kanak, makatiissa katô langun ukit katô tabang i Cristo na ágpabákkár kanak.

Galacia 5:1

Ándà dán kailangan na tumanán ta tô mga sugù i Moises, su igtábbus ki gó i Cristo. Purisu éllé kó katô mga ágtinurù na kailangan patupu kó. Yakó puman ágpallang katô mga sugù.

Galacia 5:18

Atin ka ágbánnal kó katô Ugis Espiritu, ándà dán kailangan na tumuman kó katô mga sugù i Moises ébô matanggap kó katô Manama.

Lumu 15:10

Purisu manan ka kinnaman yu tô Manama ukit katô ágpalumun yu katô mga ánnà Judio tô ándà gó katuman katô mga kamónaan ta asta dì ta matuman?

2 Corinto 4:17

Tô mga kahirapan na ágriyun dé áknganni dì mabággat asta dì manayun ka ándà ágtamanán. Asal ukit kani mga kahirapan, tanggapán dé tô tuu pa madigár na ándà ágtamanán na igtaganà ka Manama para áknami asta dì gó katáppángngan.

Lumu 15:28

Tô Ugis Espiritu asta sikami igpasábbadé na dì ké mirit ákniyu ébô tumuman kó katô langun ágkémun dé, asal ni dád gó tô kailangan lumun yu.

Mateo 12:1

Na, tô timpo tô, dalám katô álló ka kapaginawa ka mga Judio, igukit si Jesus asta tô mga disipulu din tun ta ligad ka kinamát na igparámmasan ka trigo. Igballus tô mga disipulu din. Purisu igbagtì dan tô mga kanguy ka trigo, asta igkan dan.