Marcos 8:5 - Kagi Ka Manama

⁵ Iginsà si Jesus, na mà din, “Pira abuk tô pan tun ákniyu?” Igtaba sikandan, na mà dan, “Pittu abuk.”

Marcos 8:5 ပူးပေါင်းရင်းမြစ်များ

Lucas 9:13

Asal igkagi si Jesus, na mà din, “Sikiyu é mággé ka makan dan.” Igkagi sikandan, na mà dan, “Asal lima dád abuk ni pan ta, asta duwa dád abuk ni sáddà ta. Panó ké ébô málli ka pan para katô langun?”

Marcos 6:38

Igkagi si Jesus, na mà din, “Pira abuk tô pan tun ákniyu? Ahà yu.” Tô igahà dan, igkagi sikandan, na mà dan, “Lima abuk pan, asta duwa abuk sáddà.”

Mateo 15:34

Iginsà si Jesus, na mà din, “Pira abuk tô pan tun ákniyu?” Igtaba sikandan, na mà dan, “Pittu abuk pan, asta pira dád abuk marénták sáddà.”

Marcos 8:4

Igkagi tô mga disipulu din, na mà dan, “Ándà góddô kannun, asta ándà palang kangayan ta ka makan para kandan.”

Marcos 8:6

Na, igpónsad i Jesus tô langun manubù tun ta tanà. Igkangé din tô pittu abuk pan, asta igpasalamatan din tun ta Manama. Igtáppik-táppik din tô mga pan, asta igbággé din tun ta mga disipulu din ébô taladán dan tun ta mga manubù na ilimud.