Marcos 5:9 - Kagi Ka Manama

⁹ Iginsà si Jesus, na mà din, “Sadan é ngadan nu?” Igtaba sikandin, na mà din, “Mararan, su marapung ké.”

Marcos 5:9 ပူးပေါင်းရင်းမြစ်များ

Lucas 8:30

Na, iginsà si Jesus kandin, na mà din, “Sadan é ngadan nu?” Igtaba sikandin, na mà din, “Mga mararan.” Tô gó tô igtaba din su marapung tô madat mga espiritu na igahu kandin.

Marcos 5:15

Igsadun dan tun ki Jesus, asta igkita dan tô manubù na igpaluwaan ka madat mga espiritu. Igunsad sikandin na igumpak dán, asta madigár dán tô panámdám din. Purisu imáddangan dan.

Mateo 26:53

Ándà nu basì kasóddóri ni. Atin ka dumasalla tun ta Ámmà ku, mému papiddán din tô sobra pa katô sapulù duwa (12) magdakál grupo ka mga panaligan din ébô tumabang kanak.

Mateo 12:45

Purisu kangén katô madat espiritu tô ássa pittu madat espiritu na tuu pa madat ka tandingán kandin. Madun dan langun tun ta manubù, asta mahu dan tun kandin. Purisu tuu pa madat tô dungguán kani manubù ni. Na, madat pagsik tô dungguán katô langun manubù áknganni na madat tô áglumun dan.”

Marcos 5:8

Tô gó é igkagi katô madat espiritu, su taganà igkagi si Jesus kandin, na mà din, “Sikuna madat espiritu, luwà ka tikud tun kandin!”

Marcos 5:10

Tuu igpédu-édu tô madat espiritu ki Jesus na dì dan pád suguán tun ta madiyù banuwa.