Marcos 15:21 - Kagi Ka Manama

²¹ Na, duwán sábbad taga Cirene na ágngadanan ki Simon na ámmà i Alejandro asta i Rufo. Mantu sikandin igdunggù tikud tun ta kinamát. Igpirit dan sikandin igpatiang katô krus na pansalan ki Jesus.

Marcos 15:21 ပူးပေါင်းရင်းမြစ်များ

Lucas 23:26

Na, igpid katô mga sundalo si Jesus tikud tun ta balé i Pilato. Tun ta dalan na gukitan dan, isumaran dan si Simon na taga Cirene na mantu igdunggù tikud tun ta pabunganán. Igpirit dan sikandin igpatiang katô krus, asta igpatalundug dan sikandin ki Jesus.

Mateo 27:32

Tô igluwà dan tikud tun ta Jerusalem, ikitaan ka mga sundalo tô sábbad taga Cirene na ágngadanan ki Simon. Igpirit dan sikandin igpatiang katô krus na pansalan ki Jesus.

Roma 16:13

Ágpangumusta a ki Rufo na ágkabantug ágsarig katô Áglangngagán. Ágpangumusta a pagsik katô innà din na ágkéduwan kanak iring na bánnal innà ku.

Lumu 13:1

Na, tun ta mga ágpampamaké tun ta lunsud ka Antioquia duwán mga propeta asta mga taratinurù. Sikandan si Bernabe, si Simeon na ágngadanan Negro, si Lucio na taga Cirene, si Saulo, asta si Manaen na igdakál duma ki Herodes.

Lumu 11:20

Asal duwán mga ágpampamaké na mga taga Cipre asta taga Cirene na igsadun tun ta Antioquia, asta igulit-ulit dan pagsik tingód katô Áglangngagán na si Jesus tun ta mga ánnà Judio.

Lumu 6:9

Na, duwán mga manubù na tikud tun ta mga lunsud ka Cirene asta Alejandria na ágpangadap tun ta simbaan ka Judio na ágngadanan “Simbaan ka Mga Manubù na Ikaluwà,” asta duwán pagsik tikud tun ta probinsya ka Cilicia asta Asia igapul ki Esteban.

Lumu 2:10

Duwán mga manubù tikud tun ta Frigia, Pamfilia, Ehipto, asta mga lunsud tun ta Libya na isakup ka Cirene. Duwán mga unawa ta na Judio tikud tun ta lunsud ka Roma asta mga ánnà Judio na ágtuman katô mga ágkémun ta na Judio.

Lucas 14:27

Tô manubù na máddang ka matayan tingód katô kapasakup din kanak, dì mému na disipulu ku.

Marcos 15:20

Pángnga igbuyas-buyas dan kandin, iglusut dan tô mallutù umpak tikud tun kandin, asta igpómpak dan puman ki Jesus tô kandin umpak. Igpid dan sikandin ébô pansalan tun ta krus.

Juan 19:17

Na, igpid katô mga sundalo si Jesus, asta igpatiang dan kandin tô krus na pansalan kandin. Igsadun dan tun ta lugar ágngadanan Bóngó-bóngó na ágngadanan Golgota tun ta kinagiyan ka Hebreo.

Mateo 5:41

Atin ka duwán sundalo na ágpirit ákniyu na mid katô piniddan din tun ta kadiyù na sábbad kilometro, pid kó sippang ka duwa kilometro.