Marcos 15:18 - Kagi Ka Manama

¹⁸ Mà kagi ágtanggap dan ka harì, na mà dan, “Durungán ka na Harì ka mga Judio!”

Marcos 15:18 ပူးပေါင်းရင်းမြစ်များ

Marcos 15:2

Iginsà si Pilato ki Jesus, na mà din, “Sikuna tô Harì ka mga Judio?” Igtaba si Jesus, na mà din, “Óó. Bánnal tô igkagi nu.”

Genesis 37:20

Bé kód. Matayan ta sikandin, asta dabuán ta tun ta madalám balun. Kumagi ki na igmatayan ka magani mannanap ka kabánnássan. Na, ahaán ta ka matuman tô mga tagénáp din.”

Genesis 37:10

Tô igulit si Jose katô ámmà din asta katô mga kataladi din, igsawé tô ámmà din kandin, na mà din, “Ándin man tô kóbadan katô tagénáp nu? Lumangkáb ké tun áknikó, agad sakán, tô innà nu, asta tô mga kataladi nu?”

Mateo 27:29

Igpákkù dan tô dugin balagán, asta tô gó é igkorona dan tun ta ulu din. Duwán iring na balakayu na igpawidan dan kandin iring na tukád ka harì. Iglingkóód dan asta mà kagi ágtanggap dan ka harì. Igkagi sikandan, na mà dan, “Durungán ka na Harì ka mga Judio!”

Marcos 15:17

Igumpakan dan sikandin ka mallutù umpak iring katô gumpakán ka harì. Igpákkù dan tô dugin balagán, asta tô gó é igkorona dan tun ta ulu din.

Marcos 15:19

Iglagpás dan tô ulu din ka balakayu, asta igilábban dan sikandin. Iglingkóód dan tun ta saruwan din iring na karespeto dan ka harì.

Juan 19:3

Igpadani dan tun ki Jesus, asta igkagi sikandan, na mà dan, “Durungán ka na Harì ka mga Judio!” Igsuntuk dan sikandin.