Marcos 12:34 - Kagi Ka Manama

³⁴ Tô ikasóddór si Jesus na mapandé tô taba din, igkagi sikandin, na mà din, “Masig kad masakup tun ta pagpangulu ka Manama.” Tikud katô álló tô, ándà palang manubù na igkinnam iginsà kandin.

Marcos 12:34 ပူးပေါင်းရင်းမြစ်များ

Colosas 4:6

Atin ka ágtóngkô kó katô mga dì ágpamaké, kailangan duwán kédu yu kandan asta madigár tô ágkagin yu. Kailangan matayyó tô taba yu katô mga insà dan ébô makagpát dan.

Lucas 20:40

Na, ándà manubù na igkinnam iginsà kandin.

Mateo 22:46

Asal ándà palang manubù na ikataba ki Jesus. Tikud katô álló tô, ándà palang manubù na igkinnam iginsà kandin.

Galacia 2:19

Agad igággár-ággárra na tumuman katô mga sugù, asal isóddóran kud na ándà ágpulusán katô katuman ku ébô tanggapánna ka Manama. Purisu inatéyad tun ta mga sugù ébô mantéya tun ta saruwan ka Manama.

Roma 7:9

Dángngan ándà ku kasóddóri ka ándin tô ágkailanganán ébô makatumanna katô mga sugù. Asal tô isóddóran ku na duwán sugù, “Yakó ágkasabuan,” isóddóran ku na iglumuwa ka salà asta isóddóran ku na ágpiddánna tun ta kamatayan.

Mateo 12:20

Dì din gésaan tô mga malómét, asta dì din ágkasókówan tô ándà bákkár sippang ka kasóddóran katô langun na nángngà tô áglumun din,

Mateo 12:15

Na, tô ikasóddór si Jesus na madat tô plano katô mga Pariseo, igpanó sikandin. Marapung tô mga manubù na igtákkás kandin. Igdappánnan din ka bállad tô langun na ágkabógókan ébô kólian.