Marcos 11:20 - Kagi Ka Manama

²⁰ Tô sállám dán, iglabé si Jesus asta tô mga disipulu din katô kayu igera, asta igkita dan na igangu dán agad tun ta dalid.

Marcos 11:20 ပူးပေါင်းရင်းမြစ်များ

Mateo 15:13

Igkagi si Jesus, na mà din, “Péwaán tô langun dan, su béttódán tikud tun ta kinamát tô langun pamula na ándà pamulayi katô Ámmà ku na góddô tun ta langit.

Juan 15:6

Atin ka dì móddô tô manubù dini kanak, antugán sikandin iring na mga séngê na magangu. Tô gó tô limudán ébô góbbón.

Marcos 11:14

Igkagi sikandin tun ta kayu, na mà din, “Tikud áknganni, ándà dán manubù na makakan ka buuy kani kayu ni.” Igdinág katô mga disipulu tô igkagi din.

Mateo 13:6

Tô igménit dán tô álló, ilanás asta inaté, su ándà tuu ikaramut.

Judas 1:12

Ni mga manubù ni ágdadat katô kapalimudé yu ágkan, su tuu dan ágkan asta ginám, asta ándà kayyà dan. Tô dád sarili dan tô ágpanámdámmán dan. Ándà ágpulusán dan iring katô mangittáng sagulapun na áglayapán ka karamag asta dì ágkému udan. Iring dan katô mga kayu na ándà buuy, agad timpo ka kabuuy. Purisu igbéttód dan su ilanás asta igangu dán gó.

Hebreo 6:8

Asal tô tanà na ágtubuan dád ka mga dugin asta mga sigbát, ándà ágpulusán. Tô gó tô masig dán dungguan ka supak ka Manama asta góbbón.

Mateo 21:18

Tô sállám dán, róggun iglónód si Jesus tun ta Jerusalem, igballus sikandin.

Marcos 11:12

Tô sállám dán, róggun igpanó dan tikud tun ta Betania, igballus si Jesus.