Lumu 19:26 - Kagi Ka Manama

²⁶ Asal igkita yu si Pablo, asta igdinág yu tô igkagi din. Mà din, ándà ágpulusán katô ágmanaman na gimun ka manubù, su ánnà kun manama. Marapung tô mga manubù na inapid katô ágtinuruán din, agad dini ta Efeso asta tun ta kaluwagan kani probinsya ka Asia.

Lumu 19:26 ပူးပေါင်းရင်းမြစ်များ

1 Corinto 8:4

Na, tingód katô kakan ta katô ágkakan na igbággé tun ta mga ágmanaman, isóddóran ta na ánnà bánnal manama tô ágbággayan dan, su sábbad dád gó tô Manama.

Lumu 17:29

Atin ka bánnal na sikita tô mga gabatà ka Manama, dì mému ka manámdám ki na tô bónnóng ka Manama magunawa katô ágmanaman na igimu tikud tun ta bulawan, mapputì bulawan, asta batu na igimu katô katig manubù.

Igpakita 9:20

Tô mga manubù na isamà asta ándà matayi katô mga kudà na makadadat, ándà dan rákkád katô mga madat na iglumu dan. Ándà dan sódô ka kapangadap dan katô madat mga espiritu asta katô mga ágmanaman na dì pakakita, dì pakadinág, asta dì pakapanó na igimu dan tikud tun ta bulawan, mapputì bulawan, burunsi, batu, asta kayu.

Lumu 19:10

dalám ka duwa ámmé. Purisu tô langun manubù tun ta probinsya ka Asia, agad Judio asta ánnà Judio, ikadinág katô kagi ka Áglangngagán.

Lumu 14:15

“Manan ka áglumu kó kanan? Ánnà ké manama, asal manubù ké dád iring ákniyu. Igsadun ké dini ébô mulit ákniyu katô Madigár Gulitán. Kailangan tumanan kó katô ágmanaman na ándà ágpulusán, asta mamaké kó katô manté Manama, su sikandin tô igimu katô langit, tanà, dagat, asta langun-langun nit banuwa.

1 Tesalonica 1:9

su gulit dan tingód katô katanggap yu áknami. Gulit dan na igsódô kód ágbánnal katô mga ágmanaman ébô tumuman kó ka kakalyag katô bánnal manté Manama.

Galacia 4:8

Tô ándà kó pa pasakup tun ta Manama, inallang kó katô mga ágmanaman.

1 Corinto 12:2

Isóddóran yu na tô ándà kó pa pamaké katô Manama, inapid kó ébô mangadap kó katô mga ágmanaman na dì pakakagi.

Lumu 18:19

Tô igdunggù dan tun ta lunsud ka Efeso, igtananan i Pablo si Aquilas asta si Priscila, su igsadun tun ta simbaan ka Judio, asta igpénagpát sikandin katô mga Judio.

Lumu 19:1

Na, róggun igóddô si Apolos tun ta Corinto, igukit si Pablo dadan daya asta igusawug sippang ka ikadunggù tun ta Efeso. Ikitaan din tô mga ágpampamaké.

Lumu 19:25

Na, iglimud i Demetrio tô mga manubù na áglumu tun kandin, asta duma mga manubù na ágtunó ka mapputì bulawan. Igkagi si Demetrio kandan, na mà din, “Mga rarak ku, isóddóran yu na ukit kani áglumun ta, dakál tô salapì na ágkakangé ta.