Lucas 7:38 - Kagi Ka Manama

³⁸ Igtindág sikandin tun ta táppad katô paa i Jesus. Igsággó sikandin, igpatallù din tô luhà din tun ta paa i Jesus, asta igpunasan din tô paa i Jesus katô ulu din. Marag din gadákkan tô paa i Jesus, asta igbusbusan din katô pamammut.

Lucas 7:38 ပူးပေါင်းရင်းမြစ်များ

Genesis 18:4

Piddan ku sikiyu ka wayig ébô muras kó katô paa yu, asta makapaginawa kó kannun ta siráb kani kayu.

Santiago 4:9

Rákkád kó, asta ranu kó, asta sággó kó tingód katô salà na iglumu yu. Yakó ágngisi asta ágkadayawan katô salà yu, asal sággó kó asta ranu kó kani.

Lucas 6:21

“Kadayawan kó na mga ágpamballusán áknganni, su imássugán kó. “Kadayawan kó na mga ágsággó áknganni, su ngumisi kó.

Mateo 5:4

“Kadayawan tô mga manubù na ágkaranu, su órórán dan ka Manama.

Lucas 22:62

Na, igluwà si Pedro, asta tuu igsággó sikandin.

Lucas 7:37

Na, duwán sábbad bayi na góddô tun ta lunsud, asta ibantug sikandin na masalà-salà. Tô igdinág sikandin na igkan si Jesus tun ta balé katô Pariseo, igpid din tô pamammut na igdalám tun ta katiyà ka alabastro.

Lucas 7:39

Na, tô Pariseo na igpakan ki Jesus, tô igkita sikandin katô iglumu katô bayi, igpanámdám sikandin, na, “Atin ka bánnal propeta ni manubù ni, kasóddóran din gó na masalà-salà ni bayi na igawid kandin.”

Juan 11:2

Si Maria tô igbusbus ka pamammut tun ta paa katô Áglangngagán, asta igpunasan din katô mallayat ulu din. Ibógókan tô tábbé dan na si Lazaro.