Lucas 6:26 - Kagi Ka Manama

²⁶ “Makédu-édu kó na ágdurungán katô langun manubù, su tô kandan mga kamónaan igdurung pagsik katô mga mà kagi propeta sayyan.”

Lucas 6:26 ပူးပေါင်းရင်းမြစ်များ

Juan 15:19

Atin ka sikiyu pa tô kadumaan dan, ginawaan kó pád ikandan su magunawa kó kandan, asal ánnà kó kadumaan dan. Igsalin ku sikiyu ébô ássan kó tikud tun kandan. Purisu ágkaringasaan kó ikandan.

Santiago 4:4

Na, igtayyugan yud tô Manama iring katô bayi na iglibug katô duma din! Ilingawan yu basì na tô manubù na ágginawa katô kadigárran kani banuwa, sikandin tô gusig katô Manama. Purisu agad sadan tô ágginawa katô kadigárran kani banuwa, inému sikandin na usig katô Manama.

Mateo 7:15

“Banté kó ébô dì kó mapid katô mga manubù na mà kagi propeta. Tun ta luwà iring dan na karnero, asal tun dalám iring dan na magani lobo na ágdadat ka mga karnero.

Juan 7:7

Dì kó ágkaringasaan ka mga manubù nit banuwa, asal sakán tô ágkaringasaan dan, su maragga gulit kandan na madat tô áglumun dan.

Roma 16:18

Dì dan áglumu para katô Áglangngagán ta na si Cristo, asal ágtumanán dan baling tô kandan kakalyag. Su ukit ka madigár ágkagin dan, áglimbung dan katô mga manubù na ándà ikasóddór na madat tô gugtunán dan.

Lucas 6:25

“Makédu-édu kó na ibássug áknganni, su dumunggù tô álló na ballusán kó. “Makédu-édu kó na ágngisi áknganni, su dumunggù tô álló na rumanu asta sumággó kó.