Lucas 6:25 - Kagi Ka Manama

²⁵ “Makédu-édu kó na ibássug áknganni, su dumunggù tô álló na ballusán kó. “Makédu-édu kó na ágngisi áknganni, su dumunggù tô álló na rumanu asta sumággó kó.

Lucas 6:25 ပူးပေါင်းရင်းမြစ်များ

Santiago 4:9

Rákkád kó, asta ranu kó, asta sággó kó tingód katô salà na iglumu yu. Yakó ágngisi asta ágkadayawan katô salà yu, asal sággó kó asta ranu kó kani.

Igpakita 3:17

su agad ágpadadurung kó na ágkaduwánnan kó, asta ándà dán kulang tun ta kaduwánnan yu, asal ándà yu kasóddóri na sikiyu tô makédu-édu. Ándà yu kasóddóri na iring kó na ágkayù-ayuan, asta bólóg, asta ándà umpak tun ta saruwan ka Manama.

1 Tesalonica 5:3

Agad kumagi tô mga manubù na duwán kasunayan asta ándà kamáddangan, asal tigkô dád dungguan dan ka kadattan, iring katô bayi na ágpangalalan.

Efeso 5:4

Dì mému ka kumagi kó katô maripà ó katô ándà ágpulusán ó katô tamparasà, asal kailangan pasalamat kó baling tun ta Manama.

Lucas 13:28

Tuu kó sumággó asta kumurigát tô ngipán yu tingód katô kahirapan, su kitanán yu si Abraham, si Isaac, si Jacob, asta tô langun propeta na igpahu tun ta pagpangulu ka Manama. Asal sikiyu tô dì pahun.

Lucas 12:20

Asal igkagi tô Manama kandin, na mà din, ‘Kulang tô panámdám nu! Ni dukilám ni maté kad. Agad dakál tô kaduwánnan na ilimud nu, asal tananan nu tô langun.’

Lucas 8:53

Na, igngisiyan dan si Jesus, su isóddóran dan na inaté dán tô batà.

Lucas 6:24

“Asal makédu-édu kó na mga ágkaduwánnan, su itanggap yud tô ákniyu dayó.

Lucas 6:26

“Makédu-édu kó na ágdurungán katô langun manubù, su tô kandan mga kamónaan igdurung pagsik katô mga mà kagi propeta sayyan.”