Lucas 22:70 - Kagi Ka Manama

⁷⁰ Iginsà tô langun dan, na mà dan, “Purisu Batà ka katô Manama?” Igtaba si Jesus, na mà din, “Bánnal tô igkagi yu.”

Lucas 22:70 ပူးပေါင်းရင်းမြစ်များ

Lucas 23:3

Iginsà si Pilato ki Jesus, na mà din, “Sikuna tô Harì ka mga Judio?” Igtaba si Jesus, na mà din, “Óó. Bánnal tô igkagi nu.”

Marcos 15:2

Iginsà si Pilato ki Jesus, na mà din, “Sikuna tô Harì ka mga Judio?” Igtaba si Jesus, na mà din, “Óó. Bánnal tô igkagi nu.”

Mateo 27:11

Na, tô igpid dan ki Jesus tun ta gobernador, iginsà tô gobernador, na mà din, “Sikuna tô Harì ka mga Judio?” Igkagi si Jesus, na mà din, “Óó. Bánnal tô igkagi nu.”

Mateo 26:64

Igkagi si Jesus, na mà din, “Bánnal tô igkagi nu. Ulitán ku ákniyu, duwán álló na kumita kó kanak na Igpamanubù na gunsad dadan tun ta kawanan katô Matulus Manama ébô manguluwa duma kandin. Tákkássanna katô mga sagulapun tun ta langit.”

Juan 19:7

Igkagi tô mga pangulu ka Judio, na mà dan, “Tingód katô sugù na ágbánnalán dé, kailangan matayan sikandin, su igkagi na Batà sikandin ka Manama.”

Juan 18:37

Igkagi si Pilato, na mà din, “Bánnal ka kannê harì?” Igkagi si Jesus, na mà din, “Óó. Bánnal tô igkagi nu na harì a, su tô gó imanubù a, asta tô gó igsadunna nit banuwa ébô mulitta katô kabánnalan. Ágpaminág kanak tô langun na igpasakup tun ta kabánnalan.”

Juan 10:36

kéman yu ka duwán salà ku tun ta Manama tingód katô igkagi ku na sakán tô Batà ka Manama, su igsalinna ikandin, asta igpapidda ikandin kannun ta mga manubù nit banuwa.

Juan 10:30

Sakán asta tô Ámmà ku sábbad dád.”

Juan 1:49

Igkagi si Natanael, na mà din, “Sir, sikuna tô bánnal Batà ka Manama! Sikuna tô Harì na mangulu áknami na mga rubbad i Israel!”

Juan 1:34

Igkita ku sikandin, asta gulitán ku ákniyu na sikandin tô Batà ka Manama.”

Lucas 4:41

Igpid pagsik tun ki Jesus tô marapung manubù na igahuwan ka madat espiritu. Na, róggun igluwà tô madat mga espiritu, igullaó sikandan, na mà dan, “Sikuna tô Batà ka Manama!” Asal igsapadan i Jesus sikandan ébô dì dan pakakagi, su isóddóran dan na sikandin tô Mesiyas.

Marcos 14:62

Igkagi si Jesus, na mà din, “Sakán gó, asta kumita kó kanak na Igpamanubù na gunsad dadan tun ta kawanan katô Matulus Manama ébô manguluwa duma kandin. Tákkássanna katô mga sagulapun tun ta langit.”

Mateo 27:54

Na, tô mga sundalo asta tô kapitan na igbanté ki Jesus, tô igriyu dan katô linug asta igkita dan tô ilumu, igkállas dan asta igkagi sikandan, na mà dan, “Bánnal gó na Batà sikandin ka Manama!”

Mateo 27:43

Manama kun tô ágsarigan din. Atin ka duwán kakalyag ka Manama kandin, tumabang tô Manama kandin, su igkagi sikandin, ‘Batà a katô Manama.’”

Mateo 4:3

Igpadani si Maibuyan kandin, asta igkagi sikandin, na mà din, “Atin ka sikuna tô Batà ka Manama, imu nu pan ni mga batu.”

Mateo 3:17

Duwán kagi tikud tun ta langit, na mà din, “Ni gó ni kanak Batà na ágginawaan ku. Ágkadayawanna gó kandin.”

Mateo 26:25

Iginsà tô pammát kandin na si Judas, na mà din, “Sir, sakán?” Igtaba si Jesus, na mà din, “Sikuna tô igkagi kanan.”

Lucas 22:71

Purisu igpatóngkóé sikandan, na mà dan, “Ándà dán kailangan na ulitan ki pa ka duma manubù tingód kandin, su kandin kagi tô igdinág ta.”