Lucas 20:25 - Kagi Ka Manama

²⁵ Igtaba sikandan, na mà dan, “Tô emperador ka Roma.” Igkagi si Jesus, na mà din, “Purisu bággé yu tun ta emperador tô nángngà bággén yu tun ta emperador, asta bággé yu tun ta Manama tô nángngà bággén yu tun ta Manama.”

Lucas 20:25 ပူးပေါင်းရင်းမြစ်များ

1 Corinto 10:31

Ni gó tô taba ku: Agad ándin tô lumun yu, agad kuman kó ó minám kó, lumu yu tô langun ébô mabantug tô Manama.

Lumu 5:29

Na, igtaba si Pedro asta tô duma mga apostoles, na mà dan, “Kailangan bánnalán dé tô Manama, ánnà tô mga manubù.

Marcos 12:17

Igkagi si Jesus, na mà din, “Bággé yu tun ta emperador tô nángngà bággén yu tun ta emperador, asta bággé yu tun ta Manama tô nángngà bággén yu tun ta Manama.” Purisu isalábbuan dan gó kandin.

Mateo 22:21

Igtaba sikandan, na mà dan, “Tô emperador ka Roma.” Igkagi si Jesus, na mà din, “Purisu bággé yu tun ta emperador tô nángngà bággén yu tun ta emperador, asta bággé yu tun ta Manama tô nángngà bággén yu tun ta Manama.”

Mateo 17:27

Asal ébô dì maringasa tô mga taralimud ka buwis áknita, sadun ka tun ta ranó, asta pamunuwit ka. Duwán salapì na kitanán nu tun ta babbà katô tagnà sáddà na maggut nu. Nángngà tô salapì para bággén ta tun ta templo. Angé nu, asta bággé nu tun ta mga taralimud ka buwis.”

1 Pedro 4:11

Tô igbággayan ka gasa ka kólit-ólit kailangan mulit-ulit katô ágpólitán ka Manama kandin. Tô igbággayan ka gasa na ágtabang kailangan tumabang ukit katô kabákkárran na ágbággén ka Manama. Tuman yu ni ébô agad ándin tô áglumun yu, Manama tô madurung ukit ki Jesu-Cristo. Mólà pa ka durungán asta mangulu sikandin ka ándà ágtamanán. Matuman ni.

Lucas 20:24

“Pakita yu kanak tô salapì na bayad yu katô buwis. Sadan bónnóng asta ngadan tô igtagù nit salapì?”