Lucas 18:37 - Kagi Ka Manama

³⁷ Igkagi dan kandin, na mà dan, “Áglabé si Jesus na taga Nazaret.”

Lucas 18:37 ပူးပေါင်းရင်းမြစ်များ

Mateo 2:23

Igóddô dan tun ta lunsud ka Nazaret. Purisu ituman tô igkagi katô mga propeta ka Manama sayyan na si Jesus ngadanan na taga Nazaret.

2 Corinto 6:2

Su mà katô kagi ka Manama na igsulat, “Tô igdunggù dán tô nángngà timpo na igsalin ku, igpaminág ku gó sikuna. Tô igdunggù dán tô nángngà álló na tábbusán ka, igtabangan ku gó sikuna.” Purisu paminág kó kanak! Ikataganà dán gó tô Manama tumabang ákniyu! Ni gó tô nángngà timpo ébô tábbusán kó ka Manama!

Lumu 4:10

Pénagpáttán ku ákniyu asta langun unawa ku na mga rubbad i Israel na ikapanó ni manubù ni ukit katô katulusan ka ngadan i Jesu-Cristo na taga Nazaret. Si Jesu-Cristo tô igpansalan yu tun ta krus, asal iganté puman sikandin ka Manama.

Lumu 2:22

Igpanayun si Pedro igkagi, na mà din, “Na, mga unawa ku na mga rubbad i Israel, paminág kó kani ágkagin ku. Si Jesus na taga Nazaret tô igpapid ka Manama. Igpasóddór ni ákniyu ukit katô ilumu ka katulusan din, mga kasalábbuan, asta mga pató na ágkatuman na ilumu ka Manama ukit ki Jesus dini ákniyu. Isóddóran yud ni.

Juan 19:19

Duwán igsulat i Pilato na igpatagù din tun ta krus na ágkabasa, “SI JESUS NA TAGA NAZARET, TÔ HARÌ KA MGA JUDIO.”

Juan 1:45

Igpamasak si Felipe ki Natanael, asta igkagi sikandin, na mà din, “Igkita dé sikandin na igkagi i Moises asta tô mga propeta tun ta igsulat dan sayyan. Tô gó si Jesus na taga Nazaret na batà i Jose.”

Lucas 2:51

Igtákkás si Jesus kandan, igulì dan tun ta Nazaret, asta ágbánnal sikandin kandan. Tô langun katô igdinág asta igkita i Maria igtagù din tun ta pusung din.

Lucas 18:36

Tô igdinág sikandin katô marapung manubù na iglabé, iginsà sikandin ka ándin tô gunayan.

Lucas 18:38

Purisu igullaó sikandin, na mà din, “Jesus, rubbad i David, kéduwiya!”