Lucas 15:20 - Kagi Ka Manama

²⁰ Purisu igpanó sikandin asta igulì tun ta ámmà din. “Agad madiyù pa sikandin tun ta balé, isállággan katô ámmà tô batà din, asta inéduwan tô ámmà kandin. Igpalaguy tô ámmà. Igsumar din tô batà din. Igkápkáppan asta igadákkan din.

Lucas 15:20 ပူးပေါင်းရင်းမြစ်များ

Efeso 2:13

Asal áknganni igpasakup kód tun ki Jesu-Cristo. Agad madiyù kó tun ta Manama dángngan, asal áknganni igpid kód ka Manama tun ta madani din ukit katô dipanug i Cristo na inaté tun ta krus.

Genesis 33:4

Asal igpalaguy si Esau igsumar ki Jacob, igkápkáppan din tô adi din, asta igadákkan din. Igsággó tô duwa dan.

Efeso 2:17

Tô igdunggù si Cristo, igulit-ulit din tô Madigár Gulitán tingód ka kasunayan. Tô gó tô igtinurù din ákniyu na mga ánnà Judio na madiyù tun ta Manama, asta igtinurù din pagsik áknami na mga Judio na madani tun ta Manama.

Genesis 46:29

igsaké si Jose katô kalesa din, asta igsadun sikandin tun ta Gosen ébô sumumar katô ámmà din. Tô igdunggù dán sikandin, tigkô dád igkápkáppan din tô ámmà din, asta idugé sikandin igsággó.

Genesis 45:14

Na, igkápkáp si Jose katô adi din na si Benjamin, asta igsággó sikandin. Tô igkápkáp si Benjamin ki Jose, igsággó sikandin.

Lumu 20:37

Igsággó dan, asta igkápkáp dan ki Pablo, asta igadák dan kandin.

Lumu 2:39

Igtandô katô Áglangngagán na Manama ta na bággén din tô Ugis Espiritu tun ákniyu, tun ta mga gabatà yu, asta tun ta mga manubù na madiyù ébô bággayan din tô langun manubù na ágsalinán din.”

Lucas 15:19

Yakad ágtawar kanak na batà nu. Imuwad baling iring na sábbad katô mga taralumu nu.’

Lucas 15:21

“Igkagi tô batà, na mà din, ‘Ámmà, duwán salà na ilumu ku tun ta Manama asta diyan áknikó. Yakad ágtawar kanak na batà nu.’