Lucas 12:52 - Kagi Ka Manama

⁵² su tikud áknganni, dì ágpasábbadé tô mga manubù na góddô tun ta sábbad balé. Atin ka duwán lima, tállu tô musig katô duwa, asta duwa tô musig katô tállu.

Lucas 12:52 ပူးပေါင်းရင်းမြစ်များ

Lumu 28:24

Na, duwán mga manubù na igbánnal katô igkagi din, asta duwán mga manubù na ándà bánnal.

Juan 16:2

Dumunggù tô álló na péwaán kó ikandan tikud tun ta mga simbaan ka Judio. Matayan kó ka mga manubù su ukit kani kéman dan ka makatuman dan katô kakalyag ka Manama.

Juan 9:16

Na, duwán mga Pariseo na igkagi tingód ki Jesus, na mà dan, “Ándà sikandin papiddi ka Manama, su masalà-salà sikandin.” Asal duwán ássa mga manubù na igkagi, na mà dan, “Atin ka masalà-salà sikandin, dì sikandin makalumu katô mga kasalábbuan iring katô iglumu din.” Igpassa-assaé tô panámdám dan tingód ki Jesus.

Lucas 12:51

Yakó ágpanámdám na igsadunna dini ta banuwa ébô duwán kasunayan ka manubù. Kagiyan ku sikiyu na ágpósigé tô mga manubù tingód kanak,

Lucas 12:53

Agad tô mga ámmà, mga innà, asta mga gabatà dan, dì dan ágpasábbadé. Agad tô ugang asta tô ikóddô, dì dan ágpasábbadé tingód kanak.”